Supë me hithra

24 Prill 2024, 07:28 / RECETA ALFA ALFA PRESS

Supë me hithra
Përbërësit:

500 gr hithra

500 ml qumësht

1 qepë

2 thelpinj hudhër

1 lgj gjalpë / vaj

1 lgj miell

1 vezë

Arrë moskat

Kripë, piper

Përgatitja:

Fillimisht pastrojmë hithrat, i presim imët dhe i vendosim të ziejnë për rreth 10 minuta me kapak gjysëm mbuluar.

Ndërkohë me pak gjalpë ose vaj ulliri kaurdisim një qepë të grirë imët. Pasi qepa është bërë transparente shtojmë miellin dhe vazhdojmë kaurdisjen derisa mielli të ndryshojë ngjyrë. Shtojmë hudhrat e shtypura ose të prera në fetëza të holla dhe më pas hedhim qumështin gradualisht duke e trazuar pa ndërprerje derisa qumështi të fillojë të fluskojë. Rrahim vezën me pak qumësht dhe e shtojmë tek supa së bashku me hithrat. Rregullojmë shijen me kripë, piper të zi, arrë moskat dhe bimë aromatike sipas dëshirës.