Lajme flash
Bajern Mynihu shkatërron “debutimin” e Jurgen Klop, fiton me 6 gola në miqësore
6 Janar 2025, 21:43 / SPORT
Bajern Mynih ka shkatërruar debutimin e Jurgen Klop si kreu i ri i strategjisë së futbollit për kompaninë Red Bull. Trajneri i njohur gjerman ka nisur zyrtarisht punën më 1 janar në këtë detyrë të re, por bavarezët shkatërruan provën e parë të përgjithshme, duke mundur RB Salcburgun në “Red Bull Arena” me shifrat 6-0 në miqësoren e sotme.
Vetë Klop nuk ishte i pranishëm në stadium për të ndjekur këtë ndeshje, por dihet që Salcburgu është një ndër klubet ku ai do të fokusohet për ta kthyer në epiqendër europiane të zhvillimit të talenteve. Megjithatë, bavarezët bënë të qartë sot se ka shumë punë për të bërë.
Gola nga Dajer, Myler dhe Olise që në 30 minutat e parë, bënë të qartë se çfarë drejtimi do të merrte ndeshja. Përsëri Olise, Kimish dhe në fund 18-vjeçari Asp, vulosën suksesin e thellë 6-0 me golat e tyre në pjesën e dytë, duke treguar edhe se bavarezët janë që tani në formë optimale në pritje të rifillimit të aktiviteteve zyrtare.
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128