English
Luaj me Fjalëkryq
Lajme flash

City është “gjallë”, Guardiola pas suksesit ndaj Spurs: Na nevojitej ky 3 pikësh

27 Shkurt 2025, 11:45 / SPORT ALFA PRESS

City është “gjallë”, Guardiola pas suksesit ndaj

Manchester City është akoma “gjallë”. Në një sezon deri tani plotësisht zhgënjyes me ekipin e Pep Guardiolës jashtë garës për titull në Premier League dhe jashtë Champions League, objektivi i vetëm që mbetet për “qytetarët” është ai për të kërkuar pjesëmarrjen në Champions sezonin e ardhshëm. City vinte pas dy humbjeve të rënda në Evropë ndaj Real Madrid, që i kushtoi ekipit anglez eliminimin nga Champions, si dhe të dielën ndaj Liverpool, aty ku brenda në Etihad, të besuarit e Pep Guardiolës u mundën 0-2.

Ndaj Tottenham të mërkurën në mbrëmje sfida ishte tepër e vështirë, por “qytetarët” e interpretuan mjaft mirë. Goli i vetëm i takimit erdhi shumë shpejtë me sulmuesin norvegjez Haaland që do të ishte protagonisti i mbrëmjes teksa gjeti golin që në minutën e 12 pas pasimit nga e majfta të Dokut. Norvegjezi do të kishte një tjetër shans të mirë në pjesën e parë, por tentativa e tij do të ndalej nga portieri italian i Spursave Vicario.

Në pjesën e dytë do të ishin gjelat londinezë që do të kishin më shumë iniciativë për të gjetur golin e barazimit, por fati dukej se këtë mbrëmje do të ishte me ekipin e Pep Guardiolës. City shënon edhe golin e dytë sërish me Haaland në kohën shtesë, por VAR do të anulonte gjithçka, pasi sulmuesi norvegjez kishte prekur topin me dorë në çastin e stopimit. Përfundimisht 0-1, City rikthehet tek fitorja në kampionat dhe shkon në vendin e 4 në kuotën e 47 pikëve.

I kënaqur me suksesin e të tijëve ishte tekniku Pep Guardiola që e komentoi në këtë mënyrë fitoren ndaj Tottenham:

“Jemi të lumtur me fitoren dhe pikët pasi vërtet na nevojiteshin. Duhet ta kishim mbyllur ndeshjen më shpejtë pasi krijuam shumë shanse për gol sidomos në pjesën e parë. Në të dytën më pas u rrit edhe niveli i lojës së Tottenham gjë e cila na e bëri më të vështirë. Dua të përgëzoj dy wingerat, Doku dhe Savinho që zhvilluan një ndeshje fantastike”.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128