Lajme flash
De Bryjne më i miri dhe tre lojtarë nën mesataren, ja notat e Mançester Sitit në eliminimin nga Champions
18 Prill 2024, 13:04 / SPORT
EDERSON 6.5 – Me rastin e golit bën çfarë mundet, duke bllokuar shkëlqyeshëm goditjen e parë të Rodrigos dhe ngritur flamurin e bardhë në goditjen e radhës. Jo shumë i zënë në pjesën tjetër të ndeshjes. Në penallti ndal Modriç dhe shënon të tijën, por nuk mjafton.
UOKER 6 – Mbrëmje e vështirë për të që në start, ndërsa nga pjesa e dytë e në vazhdim ai impenjohet më pak dhe kur ndodh kjo ai përgjigjet gjithmonë.
AKANZHI 6.5 – Më shumë sesa për praninë në zonë dhe substancën e tij mbrojtëse, ai shquhet për shpeshtësinë dhe cilësinë me të cilën e shoqëron aksionin (Nga e 112-të Stons-Pa notë).
DIAZ 6 – Më statiku nga dy qendërmbrojtësit, i cili vendoset përballë Edersonit dhe kryen detyrën në shumicën e kohës.
GVARDIOL 5.5 – Në fazën mbrojtëse ka më shumë se një problem, më shumë në pjesën e parë të ndeshjes sesa më pas. Si shtytje në të majtë, nuk është një nga performancat e tij më të mira.
RODRI 6 – Metronomi i zakonshëm i mesfushës, i cili organizon çdo manovër në mënyrën më të mirë të mundshme dhe servir disa topa interesantë në zonë.
DE BRYJNE 7 – Belgu nuk ishte i pranishëm në ndeshjen e parë dhe kjo mbrëmje tregoi se sa mund të ketë ndikuar mungesa e tij. Një prodhues serial aksionesh, kalon në zonë dhe luan cilësi. Shënon golin që e çon ndeshjen në kohën shtesë. (Nga minuta e 112-të Kovaçiç 5 – Ai hyn edhe për penalltitë, por humbet nga 11 metra).
SILVA 5.5 – Ndeshje me dy fytyra për portugezin, i cili nuk shkëlqen si zakonisht, por rritet me kalimin e lojës, duke prekur shumë topa në zonën sulmuese. Në sekuencën e penalltisë, ai godet keq dhe Lunin bllokon lehtësisht.
FODEN 5.5 – Protagonisti i madh i ndeshjes së parë pati disa shkëndija para pushimit, por nuk ishte një mbrëmje për t’u mbajtur mend.
GRILISH 6.5 – Më i miri i treshes i vendosur mes rreshtave nga Guardiola. Ai kishte një nga mundësitë më të mira për të barazuar në pjesën e parë, e kombinuar me nisma të tjera në pjesën e dytë. (Nga 72′ Doku 6.5 – Hyn dhe i jep një tjetër impuls krahut të majtë).
HALAND 5.5 – I bllokuar shumë mirë nga Naço, sërish arrin të mbizotërojë në disa raste dhe godet traversën në pjesën e parë. Në përgjithësi, nuk është përfundimi që prisnit. (Nga minuta e 91- të Alvarez 6 – I jep gjallëri sulmit, duke shënuar edhe goditjen nga 11 metra).
TRAJNERI GUARDIOLA 6 – Zhgënjim i jashtëzakonshëm, sidomos për epërsinë e treguar më shumë përmes dominimit territorial sesa përmes rasteve të vërteta të golit. Tani mund të fitojë vetëm trofetë kombëtarë.
Po ndodh...
83 mandatet nuk janë imunitet për shokët dhe shoqet e Ramës
Nga Gentian Gaba
ide
"Dënim paraprak për Belinda Ballukun", përgjigje për Baton Haxhiun
Nga Blendi Kajsiu
Teatri që fsheh prapaskenën
Nga Patrik Sadikaj
Vija e kuqe e Berishës dhe vija e zezë e demokracisë në PD
Besmir Semanaj
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128