Lajme flash
FIFA konfirmon: Dritare speciale merkatoje në qershor për ekipet pjesëmarrëse në Kupën e Botës për Klube
22 Maj 2025, 10:10 / SPORT
FIFA ka zyrtarizuar hapjen e një dritareje të veçantë të merkatos nga data 1 deri më 10 qershor 2025, e cila do t’i lejojë 32 skuadrat pjesëmarrëse në Kupën e Botës për Klube të përfshijnë lojtarë të rinj në listën zyrtare të turneut.
Turneu do të zhvillohet në Shtetet e Bashkuara nga 14 qershori deri më 13 korrik.
Vendimi prek 20 federata kombëtare, përfshirë Italinë, e cila do të përfaqësohet nga Interi dhe Juventusi.
Në një komunikatë zyrtare, FIFA sqaroi:
“Afati për dorëzimin e listës përfundimtare të skuadrave është caktuar për më 10 qershor, duke i dhënë mundësi çdo klubi që merr pjesë të regjistrojë lojtarët e rinj të afruar gjatë kësaj periudhe dhe t’i marrë me vete në SHBA.”
Gjithashtu, FIFA ka parashikuar edhe një dritare të dytë të shkurtër merkatoje, nga 27 qershori deri më 3 korrik, për të lehtësuar kalimet e lojtarëve që u skadon kontrata në fund të qershorit.
“Kjo dritare shtesë synon të ndihmojë klubet dhe lojtarët të gjejnë zgjidhje të përshtatshme për të mundësuar pjesëmarrjen e tyre në turne. Do të sigurohet që skuadrat të kenë në dispozicion lojtarët më të mirë të tyre, përfshirë edhe përforcimet e reja.”
Me këtë rregullore të re, FIFA kërkon të garantojë një nivel sa më të lartë gare në Kupën e Botës për Klube, duke e kthyer atë në një ngjarje madhore të verës në arenën ndërkombëtare.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128