Lajme flash
Kukësi me pronarë të rinj, familja Gjici shet 100% të aksioneve të klubit
6 Gusht 2024, 18:00 / SPORT
Familja Gjici ka vendosur të heqë dorë njëherë e mirë nga pronësia mbi klubin e futbollit të Kukësit, duke shituar të gjitha aksionet që dispononte.
Supersport zbulon se blerësit e klubit verilindor janë dy persona, një shtetas i huaj, nga Letonia dhe një shqiptar, identiteti i të cilëve nuk bëhet ende me dije.
Marrëveshja për shitjen e aksioneve është arritur këtë të martë dhe tashmë klubi verilindor është gati të nisë një epokë të re, këtë herë pa familjen Gjici.
Pikërisht nën drejtimin e Safet Gjicit, Kukësi përjetoi një ringritje në futbollin shqiptar, duke fituar të gjithë trofetë e mundshëm dhe garuar disa herë në turet eliminatore të kompeticioneve europiane.
Pronarët e rinj kanë tashmë 100% të aksioneve, teksa zyrtarizimi i marrëveshjes së kalimit të pronësisë pritet të bëhet më 10 gusht.
Gjithashtu mësohet se drejtor teknik i klubit verilindor pritet të emërohet ish-mbrojtësi i kombëtares shqiptare, Renato Arapi, ndërsa drejtori sportiv do të vijë nga Letonia, me identitetin që mbetet ende për t’u zbuluar.
Këtë sezon Kukësi do të garojë në Kategorinë e Parë, aty ku u kthye pas më shumë se një dekade, teksa ambicia e pronarëve të rinj është që ta rikthejnë sërish në elitën e futbollit shqiptar./SUPERSPORT/
-
Ylli i Spanjës, Dani Olmo transferohet te Barcelona
6 Gusht, 17:53
Po ndodh...
83 mandatet nuk janë imunitet për shokët dhe shoqet e Ramës
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128