Lajme flash
Ndalohet “Mora Fjalë” në stadium, Shkurte Fejza dhe Lorik Cana komentojnë vendimin: Këngë e popullit, tifozët nuk do…
4 Dhjetor 2024, 16:10 / SPORT
Kënga “Mora Fjalë”, e cila u bë himni i tifozëve shqiptarë pas kualifikimit historik të Shqipërisë në Europianin e Gjermanisë, është ndaluar që të këndohet sërish në stadium. Në prag të sfidave të Ligës së Kombeve me Republikën Çeke dhe Ukrainën, kënga e Shkurte Fejzaj nuk u pushtua nga tifozët në ambientet e “Arenës Kombëtare”, pasi, sipas deklaratave të tifozëve, iu komunikuar nga autoritetet që nuk do të këndohej.
Artistja Shkurte Fejzaj, e cila ka krijuar këtë këngë e ftuar në emisionin “Shqipëria Live” në Top Channel, e quajti këtë vendim të pakuptimtë, duke theksuar se qëllimi i këngës është të nderohet një figurë historike për dy kombet, atë të Heroit Kombëtar, Ismail Qemali.
“Unë jam ndjerë shumë e nderuar që më kanë ftuar të këndoj në stadium dhe ka qenë një përjetim i jashtëzakonshëm. Por kënga që është e ndaluar ose e mohuar, për mua është diçka e pakuptimtë. Më dhemb sepse kjo këngë është për një figurë të shenjët që ka Kosova dhe konsiderohet një figurë e shenjtë dhe për Shqipërinë. Kjo këngë mori përmasa nga stadiumi”, tha artistja.
Për këtë situatë, komentoi dhe ish-kapiteni i Kombëtares, Lorik Cana, i cili u shpreh se ky vendim nuk do t’i ndalojë tifozët që ta këndojnë.
“E lexova pak në rrjete. Nuk është se kam pasur një vëmendje të madhe, por është një fat që e kemi një Shkurte Fejzaj që për ne në Kosovë është një figurë e veçantë. Sa i përket pjesës së këngës, të them të drejtën nuk jam shumë brenda ngjarjes, por një gjë është e sigurt, mos t’i japim aspekt negativ. Kënga do këndohet nëpër shkolla, nëpër stadiume dhe kur këndojnë tifozët, nuk është askush që mund t’i ndalë. Nuk e shoh që të mbahet si polemikë. Sa i përket këngës “Mora fjalë”, është këngë e popullit tonë, e sakrificave dhe kur këndohet në stadium, nuk ka asgjë që e ndalon, me muzikë apo pa muzikë në sfond”, tha Cana.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128