Rekordi i Yamal zgjat vetëm një vit, 16-vjeçari Mora shkruan historinë me Meksikën

Pak më shumë se një vit pas vendosjes së një rekordi historik, Lamine Yamal nuk është më lojtari më i ri që fiton një trofe ndërkombëtar me një kombëtare.

Rekordi i talentit të Barcelonës, që dukej i pathyeshëm pas barazimit dhe tejkalimit të arritjes së legjendës Pelé, është rrëzuar nga një tjetër ‘yll’ në ngjitje: Gilberto Mora, talent 16-vjeçar i Meksikës.

Lamine Yamal pati një sezon fantastik me Barcelonën, duke shënuar 21 gola dhe dhënë 22 asistime, çka e vuri atë në mesin e kandidatëve për Topin e Artë. Në moshën 17 vjeç e 1 ditë, ai fitoi Kampionatin Evropian me Spanjën, duke u shpallur edhe Lojtari i Ri më i Mirë i Turneut, dhe duke kaluar rekordin e famshëm të Pelé, i cili fitoi Kupën e Botës me Brazilin në vitin 1958 në moshën 17 vjeç e 249 ditë.

Por rekordi i tij zgjati pak!  Në finalen e Gold Cup të CONCACAF-it, të zhvilluar në Houston, Texas, Meksika mposhti SHBA-në 2-1 falë golave të Raul Jimenez dhe Edson Alvarez, duke ngritur trofeun.

Vëmendja u përqendrua te një emër i ri: Gilberto Mora, i cili në moshën 16-vjeçare ishte titullar në finalen e turneut dhe e fitoi atë, duke u bërë lojtari më i ri në histori që fiton një trofe ndërkombëtar me kombëtaren e tij.

Mora kishte debutuar pak ditë më parë kundër Arabisë Saudite në çerekfinale, duke vendosur rekordin si debutuesi më i ri në historinë e Meksikës, ndërsa në gjysmëfinale ndaj Hondurasit regjistroi edhe një asist.

Gilberto Mora nuk është i panjohur as në futbollin e klubeve. Me Tijuana-n, ai është bërë lojtari më i ri që ka shënuar dhe asistuar në Liga MX, duke e bërë këtë në moshën 15-vjeçare.

Trajneri i kombëtares meksikane Javier Aguirre u shpreh:

“Ai po shkruan histori. Mora ka një mentalitet të jashtëzakonshëm, është një aset i çmuar për ne. Është i edukuar, i përulur dhe i etur për të mësuar. Kaloi me sukses provën në debutimin e tij.”

Kështu, një kapitull i ri është shkruar në historinë e futbollit ndërkombëtar me emrin Gilberto Mora, ndërsa Lamine Yamal mund të ngushëllohet me faktin se rekordi i tij u rrëzua vetëm nga një tjetër gjeni i ri.

Po ndodh...

09:05 AKTUALITET

I vuri flakën dy automjeteve në Shkodër, arrestohet 19-vjeçari

08:39 KOSOVA

Lëkundje tërmeti në Kosovë, sa ishte magnituda

08:33 EKONOMI&SOCIALE

Këmbimi valutor 15 dhjetor/ Me sa blihen e shiten sot monedhat e huaja

08:28 SHOWBIZ

Regjisori i njohur i Hollivudit dhe gruaja e tij gjenden të vdekur, nis hetimi për vrasje

08:25 BOTA

Anije greke kapet me sasi të madhe kokaine nga Amerika Latine drejt Evropës

08:19 AKTUALITET

Diell dhe temperatura të ulta! Parashikimi i motit për këtë të hënë

08:05 JETË

Horoskopi Ditor E Hënë 15 Dhjetor 2025

00:01 Fjalëkryq

Skemë e lirë 15 dhjetor

23:52 BOTA

I betuari i ISIS-it/ Identifikohet i dyshuari i dytë për sulmin terrorist në Sydney, u mori jetën dhjetëra personave

23:35 AKTUALITET

Shqipëria, parajsa “offshore” për mashtruesit: Turku Veysel Sahin me “call centera”, synon bastet online!

23:21 SPORT

Ernest Muçi vlerësohet me çmimin “Goli më i bukur” i nëntorit

23:00 BOTA

Ukraina pret përgjigjen e SHBA-së për propozimin e fundit të paqes të Kievit, Zelensky fillon takimet diplomatike në Berlin

22:59 BOTA

Autobusi me nxënës bie në humnerë, të paktën 10 të vdekur dhe 20 të plagosur

22:48 SHOWBIZ

Pas bujës së madhe të tradhtisë, Wizard Liz mirëpret fëmijën e saj të parë me Landon

Dua të lexoj më shumë lajme