Lajme flash
VIDEO/ Gazetari shqiptar bën bujë në mediat italiane, parashikoi autogolin e Calafiorit
21 Qershor 2024, 22:24 / SPORT
“Profecia e bërë nga një gazetar shqiptar për Spanjë-Itali është e pabesueshme”.
Kështu shkruan prestigjiozja sportive italiane “Corriere dello Sport”, duke iu referuar parashikimit prej “Nostradamusi” të Denis Hakanaj, gazetarit të “Telesport”.
Më tej, shkrimi vazhdon: “Një ditë para ndeshjes, në fakt, në podcast-in e “Telesport”, një prej portaleve sportive më të rëndësishme në Shqipëri, Denis Hakanaj parashikoi fitoren e iberikëve ndaj axurrëve me autogolin e Calafiorit.
Gazetari, për fat të keq të Italisë, nuhati me intuitë dhe në mënyrë profetike autogolin e mbrojtësit fatkeq të Bologna, i cili në fund të ndeshjes u ngushëllua me një përqafim nga Gianluca Mancini, kolegu i repartit.
Si ia doli? Kjo është pyetja që bëjnë mijëra përdorues në rrjetet sociale, duke iu referuar parashikimit të bujshëm të reporterit shqiptar, i cili doli njësoj me atë që ndodhi ndaj kombëtares së trajnerit De La Fuente”.
Ndërkohë, edhe media të tjera të huaja i kanë bërë jehonë këtij parashikimi “në kokë” të gazetarit, diçka që i ka habitur të gjithë.
Mund të parashikosh saktë rezultatin e një ndeshjeje futbolli, por t’ia dalësh të paralajmërosh autogolin e një futbollisti, si në rastin e Calafiorit, dhe të ndodhë pikërisht kështu, kjo është për rekordet “Guinness”.
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128