86-vjeçarja ra nga ura dhe humbi jetën, flasin banorët: Ngjarja e rëndë u shkaktua për faj të shtetit

4 Mars 2024, 18:39 / AKTUALITET ALFA PRESS

86-vjeçarja ra nga ura dhe humbi jetën, flasin banorët: Ngjarja
Banorët e fshatit Shkopet fajësojnë institucionet shtetërore për ngjarjen e kësaj të hëne, ku humbi jetën një e moshuar 86-vjeçare. Ata thanë se shteti që prej vitit 2010 nuk ka ndërhyrë për t’ua rregulluar urën.

Gazetari Enver Doçi raporton për Balkanweb se më 3 dhjetor të atij viti, ura e fshatit Shkopet u rrëmbye nga ujërat e lumit Mat pas hapjes së digës së hidrocentralit, por edhe pse kanë kaluar më shumë se 13 vite, asnjë institucion shtetëror apo vendor nuk ndërhyri.

Duke qenë se nuk u rregullua as nga Bashkia Kurbin e as nga shteti, banorët e kishin rindërtuar urën vetë, por mungonte siguria në të. Frrok Pergjoka thotë se faji është i shtetit për humbjen e jetës së të moshuarës.

86-vjeçarja Dava Gjegji dyshohet se duke kaluar mbi urë ka rënë aksidentalisht prej saj. Fatkeqësisht e moshuara nuk mundi të dalë nga uji, duke humbur jetën.

 

ide