Lajme flash
Mbipopullimi në burgun e Drenovës, avokati: Vuajnë dënimin mbi 460 të burgosur
18 Janar 2024, 18:20 / AKTUALITET
Mbipopullohet burgu i Drenovës. Nga 380 i cili është numri i kapacitetit në këtë institucion, tanimë janë 465 të burgosur të cilët vuajnë dënimin në këtë burg apo ndodhen edhe në paraburgim.
“Numri i të burgosurve është 465 ndërkohë që kapaciteti i cili është ndryshuar se fundmi, sepse kapaciteti normal ka qenë 345 të burgosur e është shtuar numri i shtretërve duke kaluar në 380, çka tregon se ky burg është i mbipopulluar”, tha avokati Esmerald Xhafa.
Por pse ky mbipopullim në burgun e sigurisë së lartë në juglindje të vendit? Sipas avokatit Esmerald Xhafa janë 3 arsyet kryesore.
“E para është politika e gjykatave të cilat kanë prirje të caktojnë masën e sigurisë arrest me burg, e cila është mase ekstreme kur çdo masë tjetër nuk është e mundur. E dyta politika penale përsa i përket dënimit, aplikojne vetëm dënimin me burgim, jo punën ne publik. Faktor tjetër është prej më shumë se 7 vitesh ne gjykatat shqiptare nuk është më mbikëqyrja elektronike”, tha avokati Esmerald Xhafa.
Amnistia e përgjithshme sipas avokatit Esmerald Xhafa ul numrin e të dënuarve në burgun e Drenovës, shumë më tepër në dhomat e paraburgimit.
“Faktori kryesor është mosdhënia e amnistisë e cila ka vite që flitet që do jepet, dhe sot nuk është miratuar sot edhe pse nga ministria i drejtësisë reklamohet por përsëri nuk ka. Është një sjellje negative me personat e burgosur”, tha avokati Esmerald Xhafa.
Burgu i sigurisë së lartë në Drenovë është i vetmi institucion i vuajtjes së dënimit në juglindje të vendit, ndërkohë që pritet të hapet zyrtarisht dhe burgu i Pojskës.
Po ndodh...
Mikrofoni i protestës
Nga Poli Hoxha
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128