English
Luaj me Fjalëkryq
Lajme flash

U arratis nga burgu, zbardhet dëshmia e Daut Lazes pas arrestimit: U fsheha në xhami nga besimtarët myslimanë

15 Prill 2025, 09:56 / AKTUALITET ALFA PRESS

U arratis nga burgu, zbardhet dëshmia e Daut Lazes pas arrestimit: U fsheha

Daut Laze, i cili prej datës 4 Shkurt ndodhej në arrati pasi arriti që të largohej nga burgu i Shënkollit, është vendosur në pranga mbrëmjen e së hënës (14 Prill) nga efektivët e Komisariatit nr.6.

Sipas dëshmisë së tij, nga momenti i arratisjes ka qëndruar i fshehur në Tiranë, kryesisht në zonën Freskut, Kombinatit dhe Astirit.

49-vjeçari ka thënë se duke përfituar nga muaji Ramazanit është fshehur në xhami. Ai shtoi se e kanë fshehur besimtarët myslimanë.

Daut Laze menjëherë pas prangosjes është dërguar në Drejtorinë e Qarkut të Lezhës dhe pritet të merret në pyetje Shërbimi i Kontrollit të Burgjeve.

Burime nga policia kanë konfirmuar se efektivët e Komisariatit nr. 6 prej dy javësh ruanin banesën e Daut Lazes në Astir pasi kishin informacione se ai do të shkonte në banesë.

Që të mos njihej 49-vjeçari kishte hequr mjekrën dhe mbante kapele.

“Kapet nga shërbimet e Komisariatit të Policisë Nr. 6, shtetasi Daut Laze, 49 vjeç, i cili u arratis nga Institucioni i Posaçëm Mjekësor në IEVP Lezhë, me datë 04 shkurt 2025.

Bazuar nga informacionet e marra nga inteligjenca policore, nga shërbimet e Komisariatit të Policisë Nr. 6, në Astir, u bë kapja e shtetasit të shpallur në kërkim Daut Laze, 49 vjeç, banues në Astir.

Ky shtetas, me datë 04 shkurt 2025, u arratis nga Institucioni i Posaçëm Mjekësor në IEVP Lezhë.

Veprimet e metejshme do të kryhen nga Drejtoria Vendore e Policisë Lezhë”, njoftoi policia mbrëmjen e së martës.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128