Lajme flash
Kryeministri i Indisë, Narendra Modi reagon për rrëzimin e avionit: E pamundur të përshkruhet dhimbja! Raportime për mbi 130 viktima
12 Qershor 2025, 13:33 / BOTA
Kryeministri indian Narendra Modi ka reaguar pas rrëzimit tragjik të një avioni të Air India në qytetin Ahmedabad, ngjarje që ka tronditur mbarë vendin. Në një postim në platformën X, Modi e cilësoi ngjarjen si një tragjedi që ka lënë pas shumë dhimbje.
“Tragjedia në Ahmedabad na ka tronditur dhe mbushur me trishtim. Është e pamundur të përshkruaj me fjalë dhimbjen që ndjejmë,” shkroi kryeministri indian.
Ai shtoi se është në kontakt të vazhdueshëm me ministrat dhe autoritetet përkatëse që po punojnë për të ndihmuar të prekurit nga ngjarja.
The tragedy in Ahmedabad has stunned and saddened us. It is heartbreaking beyond words. In this sad hour, my thoughts are with everyone affected by it. Have been in touch with Ministers and authorities who are working to assist those affected.
— Narendra Modi (@narendramodi) June 12, 2025
Ndërkohë, Ministri i Shëndetësisë ka deklaruar se “shumë njerëz” kanë humbur jetën, por pa dhënë ende shifra zyrtare. Raportime të pakonfirmuara flasin për të paktën 130 viktima, megjithatë ende nuk është bërë e qartë se sa prej tyre ishin pasagjerë në avion dhe sa ndodheshin në tokë në momentin e përplasjes.
Autoritetet indiane janë në gatishmëri të plotë, ndërsa pritet që në orët në vijim të publikohen detaje të mëtejshme mbi shkaqet dhe bilancin e kësaj tragjedie.
-
Sherr në Patos, plagoset me kaçavidë një 35-vjeçar
12 Qershor, 13:23 -
-
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128