Përplasjet SHBA-Iran për Ngushticën e Hormuzit, rritet sërish çmimi i naftës

Çmimet e naftës bruto u rritën ndjeshëm ndërsa tregjet po largohen gjithnjë e më shumë nga mundësia e një marrëveshjeje mes Shteteve të Bashkuara dhe Iranit, që mund të ulte tensionet dhe të çonte në rihapjen e Ngushticës së Hormuzit.

Nafta Brent u rrit me 3.4%, duke arritur në 107.77 dollarë për fuçi, ndërsa nafta amerikane WTI u ngjit me 4.2% në 102.18 dollarë për fuçi, duke kaluar sërish pragun psikologjik prej 100 dollarësh.

Rritja e çmimeve erdhi pasi presidenti amerikan, Donald Trump, hodhi poshtë kundërpropozimin e Teheranit për t’i dhënë fund konfliktit. Trump e cilësoi ofertën iraniane si “të pakuptimtë”.

“Jemi në një bllokim, në një konflikt të ngrirë”, deklaroi për CNBC Amos Hochstein, ish-këshilltar i lartë për energjinë i presidentit Joe Biden.

Sipas tij, Ngushtica e Hormuzit vazhdon të mbetet e mbyllur, duke krijuar një situatë që ai e përshkroi si “pa luftë, pa naftë, pa transport detar”. Hochstein paralajmëroi se është shumë e vështirë të ketë përparim këtë javë, pas takimit Trump- Xi Jinping.

Ai parashikoi se çmimet e naftës mund të mbeten mes 90 dhe 100 dollarëve për fuçi deri në fund të vitit dhe gjatë vitit 2027, edhe nëse Ngushtica e Hormuzit rihapet në fillim të qershorit.

Ndërkohë, Admirali James Stavridis, ish-komandant suprem i NATO, deklaroi se Trump ka aktualisht tre opsione: të tërhiqet nga konflikti, të rifillojë bombardimet masive ose të tentojë hapjen ushtarake të Ngushticës së Hormuzit.

Sipas Stavridis, skenari i fundit duket më i mundshëm, por do të kërkonte angazhim të madh ushtarak dhe kosto që mund të arrijnë deri në 1 miliard dollarë në javë.

Që nga nisja e konfliktit SHBA-Izrael me Iranin më 28 shkurt, si Brent ashtu edhe WTI kanë shënuar rritje me më shumë se 40%.

Edhe kompania Saudi Aramco paralajmëroi se tregut global të naftës mund t’i duhen vite për t’u rikthyer në normalitet nëse Ngushtica e Hormuzit mbetet e mbyllur përtej mesit të qershorit.

Po ndodh...

11:04 POLITIKË

Pas deklaratës së Ramës ‘lind simotra' e AKSHI-t me fond prej 7 milionë eurosh

10:54 SPORT

Superiore në sprintin e fundit, afron faza e Final Four, në fundjavë luhen dy ndeshjet e para

10:52 AKTUALITET

"Po shkatërrohet bregdeti", ish-gjyqtari belg: Mafia po i pastron paratë në hotele në Shqipëri!

10:43 AKTUALITET

Nuk ndërhynë në një konflikt ku u përfshi edhe punonjësi i FNSH, AMP pezullon dy efektiv në Kamëz

10:32 AKTUALITET

Vrau dy vëllezër shqiptarë në Patos dhe një vajzë në Belgjikë, arrestohet në SHBA pas thuajse tre dekadash Sokol Hoxha

10:20 AKTUALITET

Taktika ekstraligjore: Mungesat e avokatëve fusin në ngërç Gjykatën e Posaçme

10:10 SPORT

Lazio në prag të një suksesi, Interi në prag të një dopiede: Sarri përgatit kurthin për Chivun

09:56 AKTUALITET

Pa leje ndërtimi dhe çërtifikatë banimi, konfiskohet një godinë banimi 12-katëshe në Tiranë

09:43 SHOWBIZ

Greqia kryeson listën e finalistëve të Eurovision 2026

09:31 EKONOMI&SOCIALE

Deri në 8 javë në intubim dhe kohë e gjatë rikuperimi! Sa muaj vazhdojnë simptomat pas infektimit me Hantavirus, jeta pas infeksionit

09:13 AKTUALITET

Tronditet Shkodra! Iriu hidhet nga pallati dhe humb jetën

09:00 AKTUALITET

Bisedat në SKY ECC zbulojnë trafikun e kokainës mes Milanos dhe Torinos, Ndrangheta në alarm: Shqiptarët po na shkatërrojnë

08:44 AKTUALITET

Aksidenti tragjik në Durrës/ Makina përplaset me motorin, ndërron jetë 29-vjeçari

08:29 BOTA

OBSH paralajmëron: Përgatituni për më shumë raste të infektimeve me Hantavirus

Dua të lexoj më shumë lajme