Emrat/ Qeveria e re e Maqedonisë së Veriut, ja shqiptarët që pritet të marrin postet ministrore

Në orët e vona të së hënës u vendos përfundimisht se opozita shqiptare në Maqedoni, koalicioni VLEN, do të jetë pjesë e kabinetit të ardhshëm qeveritar, duke kaluar BDI-në e Ali Ahmetit në opozitë.

Në zgjedhjet e 8 majit VMRO-DPMNE ka siguruar 58 deputetë (nga 120 gjithsej), Fronti Evropian që udhëhiqet nga BDI-ja, 18 deputetë, po aq sa partia që ndejti 7 vite në pushtet, Lidhja Social Demokrate, ndërsa koalicioni VLEN 14.

Pas konfirmimit të aleancës së re krerët e koalicionit opozitar shqiptar VLEN do të jenë pjesë e pushtetit legjislativ dhe ekzekutiv, përpos kryetarit të Lëvizjes BESA, Bilall Kasami, që do ti kthehet detyrës së kryetarit të komunës së Tetovës.

Kryetari i Alternativës, Afrim Gashi ka marrë detyrën e kryetarit të Kuvendit të Maqedonisë së Veriut. Me zgjedhjen në këtë detyrë, ai paraprakisht është dorëhequr nga posti i kryetarit të kësaj partie. Sipas dispozitave në fuqi, kryetari i Kuvendit nuk mund të jetë edhe kryetar partie, apo të mbajë funksioneve tjera në ndonjë subjekt politik. Gashi 47 vjeç, i njohur më parë si publicist, ka qenë deputet në Kuvendin e Maqedonisë së Veriut në dy mandate 2016-2020 dhe 2020-2024.

Një tjetër nga krerët e koalicionit VLEN, ish kandidati për president dhe kryetari aktual i komunës së Gostivarit, Arben Taravari, do të jetë ministër i Shëndetësisë, duke dorëzuar detyrën e kryekomunarit. Taravari, me profesion mjek, rikthehet në këtë detyrë pas më shumë se 7 viteve, kur ishte pjesë e Qeverisë së Zoran Zaevit.

Kryetari i LD-së, i cili u shkëput me bujë nga BDI e Ali Ahmetit, Izet Mexhiti, do të lërë mandatin e deputetit dhe do të jetë në postin e zv.Kryeministrit të parë të Qeverisë.

Këtë të martë, 28 maj, ka nisur seanca e parë e Kuvendit, e dalë nga zgjedhjet e rregullta parlamentare.

Pas konstituimit të Kuvendit, në afat prej dhjetë ditësh presidentja e porsa zgjedhur, Gordana Silanovska-Davkova pritet të dekretojë kreun e VMRO DPMNE-së, Hristijan Mickovski si mandatar për formimin e Qeverisë së re.

VMRO DPMNE-ja dhe koalicioni VLEN, pothuajse i kanë përfunduar bisedimet për bashkëqeverisje dhe për ndarjen e posteve ministrore në Qeverinë e re të Maqedonisë së Veriut, ku shqiptarët do të kenë deri 6 ministra, por marrëveshja nuk do të bëhet e ditur pa mbylljen e bisedimeve edhe me lëvizjen ZNAM, një parti me 6 deputetë që pritet gjithashtu të jetë pjesë e ekzekutivit të ardhshëm.

Bazuar në paralajmërimet e VMRO DPMNE-së, Qeveria e re e Maqedonisë së Veriut pritet të zgjidhet më së voni deri më 20 qershor.

Po ndodh...

17:52 POLITIKË

Protesta kundër qeverisë në ditën e 64 radhazi/ Lëvizja qytetare nuk ndalet, shqiptarët kërkojnë dorëheqjen e panegociueshme të Ramës

17:32 BOTA

Sulm me bombë brenda restorantit në Moskë, 3 viktima dhe mbi 20 të plagosur

17:24 FJALEKRYQI

Skemë kampionësh 2 gusht

16:57 AKTUALITET

Aksidenti në galeritë e “Eternal Security”/ Humbi jetën në minierë, nxirret trupi i 40-vjeçarit Ilir Kolaveri!

16:35 AKTUALITET

Tërmet në Elbasan, ja sa ballë ishte magnituda e lëkundjeve sizmike

16:32 BOTA

Përplasen dy helikopterë gjatë shuarjes së flakëve në Greqi, nis operacioni për gjetjen e ekuipazheve

16:32 BOTA

Dy avionë përplasen në Greqi gjatë operacionit për shuarjen e zjarreve

16:18 FJALEKRYQI

English Crossword Puzzle August 2

16:17 SPORT

Nga Italia drejt Anglisë? Kristjan Asllani tërheq vëmendjen e klubit të Premier League

15:42 POLITIKË

"Djegia e teserave turp"/ Rama mohon përçarjen, ndërsa Reforma Territoriale sjell përplasje brenda PS-së

15:37 BOTA

Zjarr në një traget në Indonezi, pesë të vdekur, 41 persona të zhdukur

15:03 BOTA

Emigracioni që po sfidon Spanjën, BBC: Pyetja e madhe e Europës, valë spontane apo lojë gjeopolitike?

15:01 BOTA

Detaje të reja për shpërthimin në Moskë, objektiv i sulmit ishte një gjeneral rus

14:42 AKTUALITET

Bllokimi i lëvizjes në kufirin Mali i Zi-Kroaci/ Banorët hapin shtëpitë për mijëra emigrantë të bllokuar në trafik, mes tyre edhe shumë shqiptarë

Dua të lexoj më shumë lajme