Projekti për të goditur SPAK-GJKKO/ Rama pret Bardhin për pazarin e madh!

15 Maj 2024, 15:15 / POLITIKË ALFA PRESS

Projekti për të goditur SPAK-GJKKO/ Rama pret Bardhin për pazarin

Duket se pas testimit të suksesshëm me bashkimin e votave për Amnistinë Penale nga e cila përfituan eksponentë të korrupsionit, radhën për pazar në parlament, e ka projekti i Ramës për të ndërhyrë në Drejtësinë e re.

Këtë të mërkurë diskutimi i parashikuar në konferencën e kryetarëve në Kuvend, për projekt-rezolutën e PS, për të ashtuquajturën luftë kundër korrupsionit, u shty për në një seancë tjetër.

Argumenti i kryetares, Lindita Nikolla, ishte se një pjesë e anëtarëve të opozitës, nuk ishin të pranishëm në konferencën e kryetarëve.

Në fakt ai që mungon është Gazment Bardhi, i cili u përdor me sukses nga PS dhe Ulsi Manja në testin e Aminstisë Penale e cila ishte hapi i parë për ti dërguar mesazh nga "sovrani" parlament, SPAK dhe GJKKO.

Bardhi ndodhet në Gjermani dhe kthimin e tij me sa duket nuk e pret vetëm SPAK, (dje i caktoi datën e re të paraqitjes më 25 maj), por e pret edhe Edi Rama për të çuar përpara projektin e tij, me të cilin synon që të fusë "ligjërisht" shkopinj në rrotat e SPAK-GJKKO dhe të dobësojë fuqinë e tyre, të cilën e morën nga ndryshimet kushtetuese të vitit 2016.

Ashtu si mesazhi që Rama u ka dërguar pronarëve të medieve dhe ata drejtuesëve të tyre që Bardhin ta trajtojnë si "aset", po njësoj po e trajton edhe nëpërmjet Nikollës në parlament: Astet kyç në pazarin e madh që ka vulosur me Berishën, për ti shpëtuar që të dy drejtësisë./Alfapress.al

 

ide

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128