
Shehi: Regjistrimi i Diasporës, më i lartë nga pritshmëritë! Hoxha: Do ketë marrëveshje tjetër PS-PD, votë kolektive!

Si po ecën procesi i regjistrimit të Diasporës dhe çfarë do prodhojë kjo praktikë për herë të parë në zgjedhjet parlamentare të 11 majit.
Analistët e ftuar në ‘5 Pyetjet nga Babaramo” në Report TV, ndanë mendimin se megjithëse procesi po ecën normalisht, me shifra të larta dhe shfaq pozitivitet, problemet dhe rreziku i dështimit të procesit final mbetet prezent.
Shkak është problematika e votës kolektive, teknikalitetet, fakti se opozita dhe PD po e kundërshton aktualisht duke bërë propozime të reja. Mosmarrëveshjet mes PS dhe PD mund të shkaktojë edhe dështimin e këtij procesi.
“Unë e shikoj pozitiv, përtej pritshmërisë që kisha, deri në 70 mijë, por është shifër pozitive. Uroj që të votojnë, sikur edhe 100 mijë veta, sepse jo të gjithë ata që regjistrohen do votojnë. Këtu besoj do jetë ngatërresa se është hera e parë që bëhet për emigracionin, se që të jetë perfekte kjo punë nuk do shkojë. Uroj që të shkoj mbarë. Ata të gjithë kanë dokumente, kjo nuk bën sens, përveç vendeve që të kërkojnë ta dorëzosh shtetësinë. PD kërkon të quhen të vlefshme dokumenti deri ditën e zgjedhjeve, por që të mos kenë asnjë dokument shqiptar, unë nuk jam dakord. Pra jam dakord për ata që u ka skaduar dokumenti, që të lejohen të votojnë. Tjetra është çështja e pagesës, është goxha kosto por ia vlen, unë them që të bëhet nga shteti pagesa. Them se do merren vesh për kaq, janë marrë vesh për gjëra të mëdha, jo më për këtë. Ka dhe defekte, por po ecën si proces. Nëse s’bien dakord do të thotë se kanë dyshime”, thotë deputeti Dashamir Shehi.
Por ai denoncon mënyrën e fushatës së parakohshme politike që po bëhet nga PS dhe PD dhe propagandën që po bëhet.
“S’më duket pozitiv si proces, se po krijojnë propagandë, po çojnë problemet e Shqipërisë te emigrantët. Vlera e diasporës është të votojë si trupë elektorale, nuk ndodhet nën presionin e administratës, biznesit, patronazhistëve dhe pushtetit. Këta janë miq me njëri-tjetrin, pijnë edhe kafe, zgjidhin problemet e njëri-tjetrit. Por pas datës 11 bëhen dy kafe, se kthehen në armiq. Të ndalohet propaganda politike jashtë Shqipërisë. Kujtoj precedentin e Erdogan në Gjermani vite më parë, kur Merkel s’e lejoi të bënte miting në Berlin. Ata që kanë dashur të votonin kanë ardhur herë pas here, kjo bëhet për ata që nuk vijnë dot, për votën me postë”, thotë Shehi.

Cirku mediatik dhe debati publik i përçudnuar në Shqipëri
ide

Shkëlqimi i Erionit ra, por hijet që ai la pas, ngelen

Pse u ndërsyen të gjithë kundër SPAK?

Tragjikomedia Shqiptare – Një Roman në Aksione
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128