English
Luaj me Fjalëkryq
Lajme flash

Zgjedhjet e 11 majit/ Shifrat, partitë, vota e emigrantëve dhe risitë e reja të monitorimit nga SPAK

4 Prill 2025, 19:05 / POLITIKË ALFA PRESS

Zgjedhjet e 11 majit/ Shifrat, partitë, vota e emigrantëve dhe

Në 11 maj qytetarët do të zgjedhin parlamentin e ri, plot 11 subjekte politike do të garojnë për 140 vende në parlament.

Në zgjedhjet e kaluara PS mori 74 mandate, PD 59 mandate, LSI 4 dhe PSD 3 mandate.

Koalicionet ishin e vetmja risi që ishin në zgjedhjet e 2021, ku me një vendim me deputetët e rinj PS arriti ti hiqte përfundimisht koalicionet parazgjedhore.

Rezultati i votave të PS përballë PD bashkë me aleatët ishte i ngushtë në vota (rreth 30 mijë vota), por formula e daljes së LSI me kandidatë veçmas solli vetem marrjen e 4 deputetëve dhe pse votat ishin 100 mijë.

Por zgjedhjet e 2025 kanë disa risi, duke nisur nga vota e emigrantëve, monitorimi nga SPAK dhe alternativa të shumta politike përveç PS dhe PD që dalin me % të konsiderueshme në sondazhe.

Kështu mundemi të përmendim që ish kreu i PD, Lulzim Basha, garon me Demokratët Euroatalantikë, po ashtu jashtë PD do të jetë dhe kreu i LZHK, Dashamir Shehi. Po ashtu Adriatik Lapaj ka zyrtarizuar marrëveshje me Nismën Thurje, kurse Agron Shehaj e Arlind Qorri janë futur me partitë e tyre Mundësia dhe Lëvizja Bashkë.

Në garë është një grua, ajo është Elena Kocaqi. Në 2021 e vetmja grua kryetare e një force politike ishte Jozefina Topalli.

Dhe PSD e Tom Doshit garon e vetme ashtu si në vitin 2021.

Pjesë e PD do të jetë dhe PL e Metës, PDIU e Idrizit, PBDNJ e Vangjel Dules dhe Fatmir Mediu me PR.

Nga ana tjetër PS shkon e vetme pa asnjë parti në koalicion.

Në vitin 2021 numri i zgjedhësve në listë ishte 3.588.869.

Ata që votuan ishin rreth 1.6 milionë, në 5199 qendra votimi.

Në 11 maj, me të drejtë vote janë; 3.713.716 zgjedhës dhe 5225 qendra votimi.

Për herë parë votimi i emigrantëve do të sjellë rreth 250 mijë zgjedhës më shumë.

Votimi i emigratëve ndodh për herë të parë.

Një risi tjetër është dhe elementi shtesë që po monitoron zgjedhjet, që është organi i SPAK.

Struktura e posaçme ka deleguar persona për të ndjekur mbarëvajtjen e procesit zgjedhor në 12 qarqet e vendit.

Ky element pritet të jetë me një ndikim në efikasitetin e zgjedhjeve, që shpesh kanë qënë të kontestuara nga palët për parregullësi, blerje apo ndikim të votës.

/Alfapress.al

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128