FOTO/ Gjimshiti në formacionin më të mirë të Europa League

23 Maj 2024, 17:51 / SPORT ALFA PRESS

FOTO/ Gjimshiti në formacionin më të mirë të Europa
Kapiteni i Kombëtares Shqiptare, Berat Gjimshiti, ngriti lart mbëmjen e djeshme  trofeun e Europa League.

Në mbrëmjen magjike të Atalantës, Berat Gjimshiti është kthyer në një motiv krenarie për shqiptarët anembanë botës, është shqiptari i parë që ngre lart një trofe kaq të rëndësishëm dhe, për më tepër, si kapiten i skuadrës së tij.

Gasperini shkoi t’i dhuronte një përqafim të vecantë menjëherë pas ndeshjes, tjetër tregues i peshës, përveç shiritit, që ka në dhomat e zhveshjes, ashtu si festimet me shokët dhe tifozët.

Gjimshiti është vlerësuar gjerësisht me një ndër notat më të larta në finalen e madhe të Europa League-s, garanci në mbrojtjen bergamaske, ndërkohë që një ditë më pas faqja e specializuar “sofascore” e ka përfshirë në formacionin më të mirë të të gjithë sezonit në Europa League.

FOTO/ Gjimshiti në formacionin më të mirë të Europa