Përmbysje kampionësh, PSG-ja mposht Barcelonën edhe pa yjet në fushë

1 October 2025, 23:23 / SPORT ALFA PRESS

 

Përmbysje kampionësh, PSG-ja mposht Barcelonën edhe pa yjet

Një sfidë e madhe u luajt në “Montjuïc” mes kampionit në fuqi të Champions-it dhe Barcelonës, që tregoi karakter dhe ambicie duke u përballur sy më sy me PSG-në e fuqishme, që edhe pse pa yjet, Dembele, Doue, Kvaraskelia, arriti të triumfonte me rezultatin 1 me 2.

Skuadra e Hansi Flik e nisi ndeshjen me ritëm të lartë dhe gjeti shpërblimin me Ferran Torres, i cili kaloi katalanasit në avantazh mes një atmosfere elektrizuese.

Megjithatë, PSG konfirmoi statusin e saj si kampione duke reaguar me qetësi. Majulu barazoi shifrat në pjesën e dytë dhe, kur gjithçka dukej se po shkonte drejt një barazimi, Gonçalo Ramos shënoi në fund duke i dhënë një fitore të artë parizienëve.

Më të freskët dhe më të fortë në minutat vendimtare, francezët treguan edhe një herë pse dominojnë Evropën, ndërsa Barcelona, megjithëse la përshtypje pozitive, u largua pa pikë.

 

Po ndodh...

ide