English
Luaj me Fjalëkryq
Lajme flash

Të mëdhenjtë e golit të bardhë, Mbape ndal kronometrin në 68’

16 Gusht 2024, 11:28 / SPORT ALFA PRESS

Të mëdhenjtë e golit të bardhë, Mbape ndal kronometrin

Gjatë historisë së Realit të Madridit ka pasur golashënues që janë legjenda të klubit dhe të futbollit botëror.

I fundit ndër të mëdhenjtë e futbollit botëror që ka veshur fanellën e bardhë është Kilië Mbape.

Ai u prezantua në Madrid me 331 gola në ndeshjet zyrtare mes Monakos, PSGsë dhe kombëtares franceze. Në Madrid ka mbërritur një makineri golash që mban numrin 9, numrin “par excellence” të shënuesve.

Ai i Di Stefanos, Santijanas apo Hugo Sançezit. Mbape ka bërë një prezantim të shkëlqyer që në ndeshjen e tij të parë me Realin e Madridit, teksa të mërkurën në mbrëmje ai debutoi me gol në suksesin 2-0 në finalen e Superkupës së Europës kundër Atalantës në Varshavë.

Mbape i është bashkuar kështu një liste lojtarësh të Realit që shënuan në debutimin e tyre dhe që përkon me një ndeshje zyrtare. Kapitenit të Francës i janë dashur 68 minuta lojë për të festuar golin e tij të parë si lojtar i “Los Blancos”. Kjo e rendit atë mes më të mirëve që kanë kaluar nga këto anë. Në krye të të gjithëve Ronaldo Nazario. Për të parë Ronaldon, nënshkrimin e madh të verës së vitit 2002, në fushë me fanellën e Realit u desh që tifozët e Madridit të prisnin nëntë ndeshje dhe deri në muajin tetor. Por pritja u shndërrua në ekstazë në “Bernabeu”, kur më 6 tetor, kundër Alavesh, topi i parë, prekja e parë e brazilianit përfundoi në rrjetë. Në 27 minutat e para të atij takimi, ai shënoi dy gola.

DEBUTIMI I DI STEFANOS Nëse numri 9 ka peshën që ka në Madrid, kjo është falë lojtarit më të madh në historinë e tij: Alfredo di Stefano. Debutimi i tij për Madridin ishte më 23 shtator 1953, kundër Nansi në “Chamartín”. Ai e kujtoi atë ndeshje si kafe. Ai ishte i lodhur nga udhëtimi, sepse mbërriti në Madrid në mëngjesin e ndeshjes me makinë nga Barcelona, nuk kishte luajtur për një kohë të gjatë, mezi ishte stërvitur muajt e fundit dhe për më shumë luante i rrethuar nga lojtarë që nuk i njihte. Debutimin e bëri kundër Santander ku shënoi një nga golat e fitores 4-1 të Realit.

“MBRETI” I GOLIT TË BARDHË Mbape ka mbërritur në Madrid në moshën 25-vjeçare, një vit më i madh se Kristiano Ronaldo. Askush në historinë e jashtëzakonshme të Madridit nuk ka shënuar më shumë gola se “CR7”: 451 gola në 438 ndeshje. Portugezi pati një turne miqësore me të bardha përpara debutimit të tij zyrtar. Pasi nuk arriti të shënonte në dy të parat, kundër Shamrok Rovers dhe Al-Itihad, ai festoi golin e tij të parë si lojtar i Realit, duke kthyer në gol një penallti kundër LDU Kuitos në “Bernabéu”. Goli i tij i parë zyrtar mori më pak kohë. Në javën e parë të Ligës, 3-2 kundër Deportivos, ai hapi atë llogari falë një tjetër penalltie.

Të mëdhenjtë e golit të bardhë, Mbape ndal kronometrin

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128