English
Luaj me Fjalëkryq
Lajme flash

Aksidenti me 8 viktima në Këlcyrë, drejtori i Policisë së Gjirokastrës zbardh detaje të reja nga ngjarja e rëndë

2 Prill 2024, 10:09 / AKTUALITET ALFA PRESS

Aksidenti me 8 viktima në Këlcyrë, drejtori i Policisë

Një aksident tragjik ndodhi në orët e para të mëngjesit të kësaj të marte në aksin rrugor Këlcyrë-Përmet, një automjet, i cili po transportonte klandestinë në përpjekje për t’i ikur Policisë ka dalë nga rruga dhe për pasojë 7 emigrantë dhe shoferi kanë humbur jetën.

Drejtori i Policisë së qarkut Gjirokastër, Ardian Çipa ka dhënë detaje të tjera në lidhje me rrethanat e aksidenti tragjik. Ai shpjegoi itinerarin dhe manovrat që ka kryer drejtuesi i mjetit, para se të përfundonte buzë lumit Vjosa.

“Rreth orës 02:20 të datës 2 prill në afërsi të Këlcyrës, patrulla këmbësore e stacionit policor Këlcyrë ka hasur një automjet, i cili po vinte me shpejtësie tej normave të lejuara. Në përpjekje e sipër për t’i bërë shenjë për të ndaluar, automjeti është kthyer menjëherë dhe është kthyer menjëherë në drejtim të Përmetit. Patrulla e policisë, e cila ishte me shërbim për kontrollin e territorit në aksin Përmet-Këlcyrë, me automjetin e vet e ka ndjekur deri në afërsi të vendit të ngjarjes. Automjeti ka rënë në afërsi të lumit Vjosa”, tha ai.

Ai shtoi se drejtuesi i automjetit dyshohet se është nga Shkodra.

“Paraprakisht, dyshohet se drejtuesi i automjet dyshohet se është nga qyteti i Shkodrës, kurse personat e tjerë dyshohet se janë emigrantë të paligjshëm. Nuk mund të japim një konkluzion sa i takon shpejtësisë së automjetit. Jemi ende duke kryer veprimet në vendngjarje. Numri i viktimave është i lartë dhe po merren shumë prova për të sqaruar në mënyrë të plotë”, shtoi ai.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128