Lajme flash
Dëshmia e re ndryshon hetimet për vrasjen e Egli Progës, gjykata lë në burg Andi Shkulakun për moskallëzim krimi
19 Prill 2025, 12:41 / AKTUALITET
Gjykata e Korçës ka lënë në masën e sigurisë "Arrest me burg" Andi Shkulakun, i arrestuar 3 ditë më parë me urdhër të prokurorisë së Korçës, pasi akuzohet për moskallëzim krimi lidhur me ngjarjen e rëndë të ndodhur në 10 Gusht të 2024, ku mbeti viktimë Egli Proga.
Arrestimi i tij u bë pasi një dëshmi e re u administrua nga prokuroria e Korçës, ku thuhet se viktima Egli Proga fillimisht u dhunua brenda ambienteve të lokalit nga shtetasi Leonidha Guçe e më pas u godit jashtë ambienteve nga Denis Meçe, një detaj i ri ky për hetimet duke rënduar pozitën e Guçes.
I arrestuari Andi Shkulaku mendohet të ketë parë gjithçka dhe këtë qenë prezent në vendngjarje e më pas të jetë larguar. Pavarësisht se prokuroria e Korçës vetëm para pak ditësh mbylli hetimet duke çuar për gjykim dosjen, kjo dëshmi e re duket se ndryshon rrjedhën e hetimeve për vrasjen e 42-vjeçarit Egli Proga.
Sipas dosjes së hetimit, Denis Meçe akuzohet për vrasje me dashje ndërsa Leonidha Guce, Voltan Shkulaku dhe Arjan Manellari akuzohen për veprime që pengojnë zbulimin e së vërtetës ndërsa pritet që dosja e re e hapur për shkak të dëshmisë së fundit të bashkohet me dosjen e parë.
-
-
-
-
Trondit Felipe Melo: Bufon luante në skedinë Serinë C braziliane
19 Prill, 12:07 -
Po ndodh...
Kauza ishte dhe është e drejtë!
Nga Ermal Peçi
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128