Mijëra shqiptarë kërkuan azil në Britani, deputeti britanik e cilëson Home Office një 'turp'

Një deputet i konservatorëve i ka cilësuar zyrtarët e Home Office një "turp", pasi u zbulua shkalla e vërtetë e migrimit të shqiptarëve në Britaninë e Madhe. Deputeti Marco Longhi tha se nuk kishte "asnjë justifikim" për lejimin e mijëra shqiptarëve që të kërkonin azil në Mbretërinë e Bashkuar, kur vende të tjera si Gjermania nuk kishin marrë asnjë.

Qëndrimi i tij vjen pasi një raport i Komitetit të Punëve të Brendshme tha se kishte "pak prova" se shqiptarët ishin në rrezik në vendin e tyre, dhe kishin nevojë për azil në Mbretërinë e Bashkuar. Raporti tha se shumica e 12.301 shqiptarëve që erdhën me varka të vogla në vitin 2022 kishin kërkuar azil, ndërsa 51 për qind e rasteve shqiptare u pranuan fillimisht në gjysmën e parë të vitit.

Ministria e Brendshme ka qenë nën presion në rritje për politikën e imigracionit, me drejtuesit e sindikatave që kërcënojnë tani veprime industriale nëse detyrohen të zbatojnë planin e qeverisë për të dëbuar emigrantët në Ruandë, raporton Express &Star.

Longhi, i cili është pjesë e komitetit, tha se çdo personel që hyn në grevë "duhet të japë dorëheqjen ose të shkarkohet".

Ai shtoi: “Nëse njerëzit do të bënin punën e tyre, do të vendosnin popullin e Mbretërisë së Bashkuar në radhë të parë, dhe do të zbatonin politikën e qeverisë, atëherë nuk do të kishte nevojë që dikush si unë të shprehej hapur. Për të qenë i qartë, Home Office është një turp. Puna e shërbimit civil është të zbatojë vullnetin e popullit, të shprehur përmes përfaqësuesve të tij të zgjedhur. Shërbimi civil po e ndihmon Partinë e Punës, jo vetëm sepse po përdorin nivele të larta imigrimi dhe imigracioni ilegal për të ushqyer një narrativë se ‘Brexit ka dështuar’, po tregojnë nivele kaq të larta të pranimit të azilit shqiptar.

"Nuk ka asnjë justifikim për këtë kur është afër zero për qind në vendet e tjera të BE-së si Gjermania".

Komiteti, i cili kryesohet nga deputetja laburiste Diana Johnson, tha se numri i shqiptarëve që mbërrinin në Britaninë e Madhe me varka të vogla kishte shkuar nga 800 në 2021 në më shumë se 12.000 në 2022.

Ajo i bëri thirrje Zyrës së Brendshme të shpjegonte pse shkalla e pranimit të shqiptarëve në Mbretërinë e Bashkuar ishte kaq e lartë. Në raport thuhej: "Shqipëria është një vend i sigurtë, nuk është në luftë dhe është një vend kandidat për t'u anëtarësuar në Bashkimin Evropian. Nuk ka asnjë bazë të qartë që Mbretëria e Bashkuar të pranojë në mënyrë rutinore mijëra kërkesa për azil nga qytetarët shqiptarë”.

Raporti tha se kishte lidhje midis rritjes së kalimeve me varka të vogla me krimin e organizuar shqiptar në Mbretërinë e Bashkuar, duke vënë në dukje se kishte më shumë shkelës të huaj në burg në Angli dhe Uells nga Shqipëria, se sa nga çdo vend tjetër, me 1.336 në 2022.

Në një fjalim javën e kaluar, Rishi Sunak pohoi se numri i të ardhurve në Mbretërinë e Bashkuar nga Shqipëria kishte rënë gjatë vitit të kaluar, duke dëshmuar se politika e qeverisë për migracionin ilegal po funksiononte.

Por premtimi i kryeministrit për të frenuar kalimet me varka të vogla pësoi një goditje, kur u zbulua se më shumë se 600 emigrantë kaluan Kanalin për në Mbretërinë e Bashkuar të dielën; numri më i lartë në një ditë të vetme këtë vit.

Një zëdhënës i Home Office tha: "Prioriteti i kësaj qeverie është ndalimi i anijeve.

“Vitin e kaluar, 28 për qind e atyre që mbërritën me një varkë të vogël në Britaninë e Madhe ishin nga Shqipëria, një vend i sigurtë evropian dhe aleat i NATO-s. Ne kemi punuar ngushtë me qeverinë shqiptare për të përçarë bandat kriminale, dhe për të penguar migrimin e paligjshëm. Deri në fund të majit, mbërritjet e anijeve të vogla shqiptare janë ulur 90 për qind krahasuar me vitin e kaluar dhe kemi kthyer 1800 migrantë të paligjshëm dhe të huaj. Kriminelët kthehen në Shqipëri. Falë ndryshimeve në sistemin tonë të azilit, ne kemi kaluar nga pranimi i një në pesë kërkesa shqiptare për azil në vetëm një në 50, në përputhje me vendet e tjera evropiane. Ne do ta shqyrtojmë me kujdes raportin dhe do të përgjigjemi në kohën e duhur".

Sipas vlerësimeve zyrtare, migrimi në Mbretërinë e Bashkuar arriti një rekord prej 606.000 në 2022.

Po ndodh...

17:21 Fjalëkryq

Skemë kampionësh 14 maj

15:37 POLITIKË

Apeli i GJKKO vendos për inceneratorin e Tiranës: Lefter Koka rikthehet në burg

15:36 KOSOVA

“Ku guxon të merresh me mua”/ Zv.ministri i Financave dhunohet brutalisht nga kryetari i Komunës Skënderaj, momenti i rëndë

15:13 AKTUALITET

Gazetarja bën deklaratën tronditëse: Kohët e fundit është tentuar ekzekutimi i një emri të njohur të botës së krimit brenda burgut të sigurisë së lartë

15:11 KOSOVA

Amerika do që të blindojë Kosovën “deri në dhëmbë”, DASH me kërkesë Kongresit: Dërgoni armë!

15:09 POLITIKË

"Politikani më i korruptuar në Ballkan"/ Sali Berisha paralajmëron padi për shpifje ndaj Adriatik Doçit dhe Carlo Bollino

15:04 SPORT

Milani dhe Juventusi mbeten në “ajër”, Lewandowski gati të pranojë ofertën e bujshme nga Arabia Saudite

14:44 AKTUALITET

I dha fund jetës në moshën më të bukur, 27-vjeçari shkodran donte të ikte te i vëllai, refuzimi i vizës gjermane e futi në dëshpërim

14:33 BOTA

Kriza politike në Britani, jep dorëheqjen ministri i Shëndetësisë Wes Streeting: Kam humbur besimin në udhëheqjen e Starmer

14:17 AKTUALITET

Helmimi i 56 studentëve të Akademisë së Policisë nga makaronat me baktere mbi normë, AKU ndërpret aktivitetin kompanisë Sori-al

14:06 SHOWBIZ

“Kam parë skenarin e Ferma VIP”, Akili bën deklaratën e fortë: Mimoza Ahmeti do të eliminohet pak para finales

13:54 SPORT

Finalja e Champions League, shpërthen çështja Arsenal; punonjësit të detyruar të paguajnë 1000 euro

13:47 KOSOVA

Kreu i degës së LVV-së në Skënderaj ngre akuza ndaj kryetarit të komunës: Jam sulmuar nga banda e tij, më morën telefonin

13:32 BOTA

Trump i kthen nderin Xi Jinping-t, e fton me bashkëshorten në Shtëpinë e Bardhë më 24 shtator: Presim me padurim takimin

Dua të lexoj më shumë lajme