U kap me drogë dhe mijëra euro në Angli, dënohet me burg i riu shqiptar (EMRI)

Një 22-vjeçar shqiptar është dënuar me 25 muaj burg në Mbretërinë e Bashkuar, pasi u kap me lëndë narkotike të fshehura në një ndarje sekrete poshtë sediljes së makinës së tij.

Sipas Daily Mail, bëhet fjalë për shtetasin, Kelmend Tershalla, i cili u arrestua më 25 tetor të vitit të kaluar në High Wycombe, Buckinghamshire, pasi u ndalua nga policia për kontroll droge.

Gjatë kontrollit, efektivët zbuluan një hapësirë të fshehur nën sediljen e përparme të pasagjerit, ku u gjetën sasi kokaine dhe kanabisi.

Sipas asaj që u paraqit në Gjykatë, policia sekuestroi kokainë të ndarë në gjashtë shishe individuale, 31 enë me ngjyra që përmbanin kanabis të paketuar sipas llojit, si dhe pesë pako me cigare elektronike me përmbajtje kanabisi. Atij iu gjetën gjithashtu 319.47 paund para në dorë dhe një telefon celular, i cili u sekuestrua për ekzaminim.

Prokuroria bëri me dije se shumica e mesazheve në telefon ishin në gjuhën shqipe, ndërsa nga komunikimet në anglisht rezultonte se i pandehuri merrte udhëzime për të furnizuar përdorues me kokainë dhe kanabis, duke organizuar shpërndarjen e drogës.

Fillimisht, Tershalla nuk dha deklaratë para policisë, ndërsa më vonë pranoi fajësinë për posedim të drogës së klasit A me qëllim furnizimi, posedim të drogës së klasit B me qëllim furnizimi dhe posedim të pasurisë kriminale.

Avokati mbrojtës deklaroi se i riu ishte i penduar dhe kishte pranuar fajësinë në një fazë të hershme, duke theksuar se shuma e parave të gjetura nuk tregonte përfitime të konsiderueshme financiare dhe se ai kishte një rol më të ulët në zinxhirin e furnizimit.

Megjithatë, gjyqtari Simon Dyer KC kritikoi ashpër të pandehurin për fotografitë e gjetura në telefon, ku ai shfaqej duke pozuar me para, drogë dhe armë, duke e cilësuar këtë si një përpjekje për t’u “mburrur”. Gjykata theksoi se, ndonëse ky ishte dënimi i tij i parë në Britani, çdo shkelje e përsëritur do të sillte pasoja edhe më të rënda.

Po ndodh...

19:02 SPORT

Inovacioni për Kupën e Botës, qen robotë në stadiume

18:43 SPORT

Lojtari i Arsenalit optimist: Këtë sezon mund të fitojmë kampionatin, i kemi mundësitë

18:31 KOSOVA

Betohen deputetët e Kuvendit të Kosovës

18:17 KOSOVA

Kosovë, Albulena Haxhiu e Lëvizjes Vetëvendosja zgjidhet kryetare e Kuvendit

18:09 AKTUALITET

Një vajzë fut në sherr dy grupet shqiptare të trafikut të drogës në Athinë, tre persona përfundojnë të plagosur me thikë, arrestohen 8 prej tyre

17:58 BOTA

Aksident pranë Kopshtit Zoologjik në Tiranë, taksia përplas motorin

17:42 AKTUALITET

Përmendi Shqipërinë në komunikimet me Epstein, KiE i heq imunitetin Thorbjorn Jagland-it

17:32 AKTUALITET

Diplomati amerikan takohet me kreun e SPAK dhe zyrtarë të tjerë të drejtësisë

17:29 AKTUALITET

Aksident i rëndë në aksin Librazhd–Elbasan, përmbysen dy automjete

17:21 BOTA

Zelensky: Bisedimet Ukrainë-Rusi-SHBA pritet të rifillojnë javën e ardhshme për çështjet territoriale

17:15 BOTA

Putin dhe Lukashenko "sabotojnë" nismën e Donald Trump, nuk do të marrin pjesë në takimin e parë të Bordit të Paqes në Uashington

17:03 AKTUALITET

Aeroporti i Vlorës “peng” në gjykata, MACBO: Jemi përjashtuar nga vendimet, auditim ndërkombëtar

16:42 AKTUALITET

Këshilli i Ambasadorëve Shqiptarë kundërshton projektligjin për Shërbimin e Jashtëm: Dëmton sistemin e karrierës diplomatike

16:27 BOTA

Orban kundër planit të BE për Ukrainën: Do të ishte deklaratë lufte ndaj Hungarisë

Dua të lexoj më shumë lajme