Ish-këshilltari i Trump komplotoi me Epstein për të rrëzuar Papa Françeskun

Ish-këshilltari i Shtëpisë së Bardhë, Steve Bannon, ka diskutuar strategji opozitare kundër Papa Françeskut me financierin e dënuar për krime seksuale Jeffrey Epstein, sipas dokumenteve të reja të publikuara nga Departamenti Amerikan i Drejtësisë.

Mesazhet e shkëmbyera mes tyre në vitin 2019, të bëra publike në kuadër të një publikimi të gjerë dokumentesh muajin e kaluar, tregojnë se Bannon kishte kërkuar mbështetjen e Epstein në përpjekjet për të minuar figurën e Papa Françesku, pas largimit nga administrata e parë e Donald Trump.

Në një prej mesazheve të qershorit 2019, Bannon shkruante: “Do ta rrëzojmë (Papa) Françeskun. Clintonët, Xi, Franchesku, BE – hajde vëlla”.

Referenca për “Xi” mendohet t’i drejtohet presidentit kinez Xi Jinping.

Bannon ka qenë prej kohësh kritik i ashpër i Papës së ndjerë, të cilin e konsideronte pengesë për vizionin e tij “sovranist” – një formë nacionalizmi populist që fitoi terren në Europë gjatë viteve 2018–2019.

Në një intervistë për mediat britanike në vitin 2018, ai e kishte përshkruar Papën si “nën përbuzje”, duke e akuzuar për rreshtim me “elitat globaliste”.

Dokumentet e Departamentit të Drejtësisë sugjerojnë gjithashtu se Epstein kishte ndihmuar Bannon në përpjekjet për të ndërtuar një lëvizje politike me bazë ndërkombëtare.

Roma dhe Vatikani kanë qenë qendra të rëndësishme për aktivitetin e Bannon: gjatë kohës kur drejtonte Breitbart News, ai hapi një zyrë në Romë dhe u përfshi në përpjekje për krijimin e një akademie trajnimi politik pranë kryeqytetit italian, me synimin për të mbrojtur vlerat judeo-krishtere.

Në të kaluarën, Bannon ka nxitur figura të së djathtës europiane, përfshirë zv/kryeministrin aktual italian Matteo Salvini, të ashpërsonin qëndrimet ndaj Papës, ndërkohë që Salvini ka përdorur shpesh simbolikë dhe retorikë të krishterë në promovimin e axhendës së tij kundër emigracionit.

Po ndodh...

19:28 AKTUALITET

Aksident me dy të plagosur në Labinot Fushë, transportohen me urgjencë në spital të lënduarit

19:10 POLITIKË

Shkoi t'u dëgjonte ankesat, Rama përplaset ashpër me banorët në Durrës: Mos bëni karshillëk me komunistët! Ju dilni të humbur

18:51 AKTUALITET

Hetimi për shqiptarin nga Saranda çon në gjobitjen me gjysmë milioni euro të Louis Vuitton

18:51 SPORT

Video/ “Magjiku” Ernest Muçi, ylli shqiptar i shënon supergol gjigantëve të Fenerbahçes

18:26 AKTUALITET

Drejtonte grupin e trafikut të drogës në Itali/ 28-vjeçarit shqiptar i sekuestrohen kokainë dhe 17 mijë euro cash

18:08 SPORT

Broja jashtë listës te Burnley sërish, çfarë po ndodh me sulmuesin shqiptar?

17:54 BOTA

Mijëra të vrarë nga demonstratat e dhunshme në Teheran/ Rreth 200 mijë njerëz protestë në Mynih kundër autoriteteve iraniane

17:51 POLITIKË

Balluku, Niko Peleshi pritet të thërrasë Këshillin e Mandateve pas vendimit të Gjykatës Kushtetuese

17:43 Fjalëkryq

Skemë kampionësh 14 shkurt

17:34 POLITIKË

Ministri estonez “zbulon” Bashën në Konferencën e Sigurisë në Mynih

17:19 SPORT

Milano-Cortina 2026/ Denni Xhepa mbyll garimin në slalomin gjigant në vendin e 34

17:04 BOTA

“Amerika dhe Europa i përkasin njëra-tjetrës”/ Marco Rubio ngre në këmbë Konferencën e Sigurisë në Mynih

17:03 EKONOMI&SOCIALE

Pas 12 vitesh në kampin e ferrit në Siri, Eva Dumani rikthehet në Tiranë. Ribashkohet me nënën dhe vëllain

16:55 POLITIKË

Nga “meriton dekoratë” te “kalimi i vijës së kuqe” dhe shërbëtor i Ramës: Si ndryshuan deklaratat e Berishës për Ervin Salianjin?

Dua të lexoj më shumë lajme