Pas 12 vitesh në kampin e ferrit në Siri, Eva Dumani rikthehet në Tiranë. Ribashkohet me nënën dhe vëllain

Pas 12 vitesh larg atdheut dhe një kalvari të gjatë në Siri, Eva Dumani është rikthyer në Shqipëri, duke u ribashkuar me nënën dhe vëllain e saj në Tiranë. Ajo ishte vajza e fundit shqiptare e mbetur në kampin famëkeq Al Hol, në veri të Sirisë.

21-vjeçarja mbërriti më 14 shkurt në aeroportin e Rinasit, në një operacion ku u përfshinë strukturat e Anti-terrorit në Policinë e Shtetit. Më herët, ajo ishte nxjerrë ilegalisht nga Siria drejt Turqisë me ndihmën e xhaxhait të saj.

U largua 9 vjeçe, u kthye 21 vjeçe

Historia e Evës nis në vitin 2014, kur ishte vetëm 9 vjeç. Babai i saj, Shkëlzen Dumani, e mori bashkë me të vëllanë 7-vjeçar me pretendimin për një udhëtim fundjave në Mal të Zi. Ai kishte kërkuar prokurë nga bashkëshortja për të nxjerrë fëmijët jashtë Shqipërisë.

Por udhëtimi rezultoi të ishte vetëm hapi i parë drejt Sirisë. Pasi kaloi nga Stambolli, ai iu bashkua frontit të luftës. Vite më vonë, babai i tyre u vra në konflikt, duke lënë dy fëmijët të vetëm në një zonë lufte.

Pas vitit 2019, Eva dhe i vëllai përfunduan në kampin Al Hol, ku strehoheshin dhjetëra mijëra gra dhe fëmijë të lidhur me luftëtarët e Shtetit Islamik.

Operacioni i vitit 2020: U kthye vetëm i vëllai

Më 26 tetor 2020, qeveria shqiptare ndërmori një operacion të vështirë riatdhesimi për kthimin e grave dhe fëmijëve nga kampet siriane. Në atë operacion u kthye në Shqipëri vetëm vëllai i Evës, Endri Dumani, atëherë 13 vjeç, së bashku me katër anëtarë të familjes Rasha.

Eva mbeti në kamp. Në atë kohë u raportua se ajo ishte fshehur dhe nuk kishte pranuar të kthehej, por ky informacion nuk u konfirmua kurrë zyrtarisht.

Përpjekje shumëvjeçare për ta nxjerrë nga Siria

Pas viteve të tëra përpjekjesh nga familjarët, daja i saj arriti ta nxirrte Evën nga kampi dhe ta kalonte përtej kufirit Siri–Turqi rreth dy javë më parë. Më pas, me ndërhyrjen e autoriteteve shqiptare, ajo u rikthye përfundimisht në atdhe.

Rikthimi i saj shënon fundin e një ndarjeje 12-vjeçare nga e ëma dhe 6-vjeçare nga i vëllai, i cili sot është 19 vjeç.

Gjatë qëndrimit në kamp, familja e Evës përjetoi edhe një tjetër humbje të rëndë. Gjyshja e saj, e cila kishte udhëtuar drejt Sirisë me shpresën për të marrë nipërit, mbeti e bllokuar në kampin Al Hol dhe ndërroi jetë atje.

Rikthimi i Evës në Shqipëri mbyll një kapitull të dhimbshëm për familjen Dumani, ndërsa tashmë ajo do të përballet me sfidën e një jete të re pas më shumë se një dekade në një nga kampet më të rënda të Lindjes së Mesme.

Po ndodh...

17:43 Fjalëkryq

Skemë kampionësh 14 shkurt

16:55 POLITIKË

Nga “meriton dekoratë” te “kalimi i vijës së kuqe” dhe shërbëtor i Ramës: Si ndryshuan deklaratat e Berishës për Ervin Salianjin?

16:43 BOTA

Britania e Madhe lëshon deklaratën e bujshme për vdekjen e Alexei Navalny: Kundërshtari i Putin u vra me një helm nga toksina e bretkosës

16:21 SPORT

Supergol nga goditja e dënimit! Rei Manaj i papërmbajtshëm, realizon dopietë për katër minuta në Turqi!

16:18 SHOWBIZ

E papritur! Kapërceu murin, Kristi largohet nga “BBVA”

16:08 AKTUALITET

Gjykata e Brukselit konfirmon besueshmërinë e të dhënave të Sky ECC për ekzekutimin e Ardit Spahiut

16:02 AKTUALITET

Rrëshqitja e dherave izolon lagjen “Pllakë” në Gjirokastër, banorët pa energji

Nga Ermal Peçi 15:50 IDE

Berisha duke sulmuar Bashën po ndihmon Ramën

Nga Ermal Peçi

15:47 POLITIKË

Javën e ardhshme mblidhet Këshilli i Mandateve për shqyrtimin e imunitetit të Ballukut, caktohet data

15:34 Fjalëkryq

Schema libero 14 febbraio

15:31 POLITIKË

U emërua si Kryeinspektor i Përgjithshëm/ Berisha mallkon Dash Sulën: Haram qumështi i nënës

15:29 SPORT

Milani mund me vuajtje Pisën dhe shkon -5 nga Interi kryesues

15:26 SHOWBIZ

“Nuk mundem më”/ Çfarë ndodhi me Kristin? Tenton të kalojë murin, banorët tentojnë ta ndalojnë

15:24 EKONOMI&SOCIALE

1 pensionist për çdo 3 persona në moshë pune, Eurostat: Shqipëria plaket me ritmin më të lartë në Europë

Dua të lexoj më shumë lajme