FLASH NEWS
Athina mbështet bashkëpunimin rajonal dhe integrimin ne BE!
2026-02-03 12:31:13 / POLITIKË
Sarajevë – Zëvendësministri i Punëve të Jashtme të Greqisë, Theoharis Theoharis, zhvilloi një vizitë zyrtare në selinë e Këshilli për Bashkëpunim Rajonal (RCC) në Sarajevë, ku u prit nga Sekretari i Përgjithshëm, Amer Kapetanoviç. Takimi u përqendrua në forcimin e bashkëpunimit rajonal në Evropën Juglindore dhe në përshpejtimin e rrugës europiane të rajonit.
Në fokus të diskutimeve ishte Procesi i Bashkëpunimit të Evropës Juglindore, i cili këtë vit shënon 30-vjetorin, zbatimi i Strategjisë SEE2030, si dhe procesi i integrimit në Bashkimin Europian në kuadër të Planit të Rritjes së BE-së për Ballkanin Perëndimor. Palët theksuan nevojën për koordinim më të ngushtë rajonal dhe për kthimin e angazhimeve politike në rezultate konkrete për qytetarët.
Kapetanoviç vuri në dukje se bashkëpunimi rajonal mbetet shtyllë themelore për stabilitetin, rritjen ekonomike dhe zhvillimin e qëndrueshëm në Evropën Juglindore. Sipas tij, përmes platformave si SEECP dhe instrumenteve si Tregu i Përbashkët Rajonal dhe Agjenda e Gjelbër për Ballkanin Perëndimor, RCC synon progres të matshëm dhe përfitime reale për vendet e rajonit.
Nga ana e tij, Theoharis riafirmoi mbështetjen e palëkundur të Greqia për RCC-në dhe bashkëpunimin rajonal, duke theksuar rëndësinë e dialogut, besimit të ndërsjellë dhe përgjegjësisë së përbashkët në adresimin e sfidave të përbashkëta. Ai nënvizoi se përafrimi me politikat e BE-së dhe zbatimi efektiv i Planit të Rritjes janë vendimtarë për zhvillim afatgjatë dhe prosperitet në rajon.
Vizita në Sarajevë riafirmon partneritetin e fortë mes RCC-së dhe Greqisë si anëtare e Bordit të saj, si dhe angazhimin e përbashkët për të çuar përpara bashkëpunimin rajonal, reformat dhe integrimin europian të Evropës Juglindore.
Happening now...
Hasimja kërkon të
Nga Neritan Vladi
For the reform parties, the government and the opposition
Nga Artan Fuga
Çfarë ndodh nëse PD ngujohet në shesh?
Nga Ylli Manjani
ideas
Hasimja kërkon të
Nga Neritan Vladi
For the reform parties, the government and the opposition
Nga Artan Fuga
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128