English
Luaj me Fjalëkryq
Lajme flash

Ngërçet tek gishtërinjtë, arsyet përse shfaqen dhe si t’i trajtoni

24 Nëntor 2024, 19:13 / JETË ALFA PRESS

Ngërçet tek gishtërinjtë, arsyet përse shfaqen dhe si

Ngërçet ndodhin kur një nga muskujt tuaj tkurret papritur dhe dhimbja mund të zgjasë nga disa sekonda deri në disa minuta.

Shumë prej nesh kanë përjetuar ngërçe tek mujskujt e këmbëve, por kur ato ndodhin tek gishtërinjtë, mund të jenë tepër të dhimbshme.

Në përgjithësi ngërçet largohen vetë, por pse ndodhin dhe se çfarë mund të bëni për të lehtësuar dhimbjen, AgroWeb.org ju fton të njiheni më poshtë.

Kur dikush përjeton ngërç në gisht, kjo mund të jetë si pasojë e kontraktimeve të muskujve që lëvizin këmbën dhe gishtërinjtë.

Shkencëtarët ende nuk janë plotësisht të sigurt se çfarë i shkakton këto ngërçe, por ata kanë disa ide, të cilat AgroWeb.org i rendit më poshtë.

Një nga shkaqet më të zakonshme të ngërçeve të gishtërinjve është dehidratimi. Një gotë ujë mund të jetë pikërisht ajo që ju nevojitet.

Megjithatë disa kërkime sugjerojnë se disa raste mund të lidhen me hidratimin e tepërt.

Mangësitë e lëndëve ushqyese si vitamina B, kaliumi, magnezi etj, mund të jenë shkaku që ngërçet shfaqen.

Tendosja e tepërt njihet gjerësisht si një nga shkaqet më të zakonshme të ngërçeve të muskujve.

Disa studime fajësojnë stërvitjen intensive, por ka ende pyetje pse kjo prek disa njerëz dhe të tjerë jo.

Qarkullimi jo i mirë i gjakut mendohet se shkakton ngërçe të muskujve dhe stërvitja e rregullt mund t’a përmirësojë atë.

Këpucët që janë shumë të ngushta, mund të mos lejojnë që gjaku juaj të qarkullojë siç duhet, duke shkaktuar kështu ngërçe tek gishtërinjtë.

Gjithashtu nëse këmbët tuaja nuk mbështeten sic duhet në këpucë, kjo mund të bëjë që muskujt e këmbës të punojnë më shumë nga sa janë mësuar dhe të shkaktojnë ngërcce.

Sëmundje të ndryshme shëndetsore si skleroza e shumëfishtë, sëmundja Parkinsonit, diabeti e shumë të tjera, janë shkaku i ngërçeve të gishtërinjve.

Dhimbjet e muskujve janë të zakonshme në shtatzëni dhe thuhet se rreth gjysma e njerëzve i përjetojnë ato gjatë shtatzanisë.

Dhimbjet e gishtërinjve kanë tendencë të qetësohen brenda pak minutash, por ka disa hapa që mund të ndërmerrni për t’i lehtësuar ato.

Provoni ta shtrini këmbën dhe të masazhoni me ngaladët muskujt e këmbës dhe gishtërinjtë tuaj.

Ju mund të masazhoni këmbën duke e rrotulluar atë butësisht mbi një objekt të rrumbullakët, si për shembull një top golfi.

Përdorimi i një komprese të nxehtë mund të ndihmojë në relaksimin e këmbës dhe lehtësimin e ngërçeve.

Nëse këpucët tuaja janë shumë të ngushta ose të parehatshme, hiqni menjëherë ato.

Nëse keni qëndruar gjithë ditën ulur, ngrihuni dhe ecni për pak. Mund të jetë e dhimbshme të qëndroni në këmbë, por rrjedhja e gjakut mund të ndihmojë në lehtësimin e ngërçit.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128