Lajme flash
Kriza prek SHBA-në, inflacioni shënon rritjen më të lartë në 4 dekadat e fundit
16 Gusht 2022, 10:43 / KOSOVA
SHBA po përjeton rritjen më të madhe të inflacionit në 40 vitet e fundit dhe kjo situatë po e godet rëndë vendin.
Në New York, një metropol me gati 9 milionë banorë, po bëhet gjithnjë e më e vështirë të paguash qiranë dhe ushqimin.
Në maj të këtij viti, çmimet e ushqimeve në New York u rritën me një ritëm të shpejtë, për herë të parë nga viti 1981. Kjo rritje u ngadalësua pak në qershor, por çmimet e ushqimeve në SHBA janë ende 9,1% më të larta se 12 muaj më parë.
Kjo është rritja më e madhe që nga viti 1981 e deri më sot dhe niveli më i lartë në 40 vitet e fundit.
Inflacioni i lartë është pasojë e ndërprerjeve në zinxhirët e furnizimit dhe të biznesit të shkaktuar nga vendosja e masave kundër pandemisë.
Mark Cohen, një profesor në Shkollën e Biznesit të Universitetit "Columbia", tha se qeveria po bën gjithçka që mundet për të vënë situatën nën kontroll.
Për shembull, Fed po rrit normat e interesit dhe Presidenti Joe Biden, ka detyruar kompanitë e naftës dhe gazit të rrisin prodhimin dhe të mbajnë të ulëta çmimet e benzinës. Por, Cohen beson se efektet e këtyre masave mund të bëhen të dukshme vetëm brenda një viti dhe jo më shpejtë.
Në të gjithë SHBA-në, rritja e inflacionit që nisi në kohën e pandemisë u ndal pak në korrik.
Është shumë herët për ta ndjerë atë në jetën e përditshme të New York-ut. Përveç kësaj, pagat janë ende në rritje, vlera e parave po bie ndërsa qiratë po rriten.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128