English
Luaj me Fjalëkryq
Lajme flash

Shporta brumi të mbushura me mish viçi dhe perime

3 Janar 2025, 08:16 / RECETA ALFA ALFA PRESS

Shporta brumi të mbushura me mish viçi dhe perime
Shporta brumi të mbushura me mish viçi dhe perime

Përbërësit:
Për brumin:

500 gr miell
1 lugë çaji kripë
1 lugë çaji sheqer
1 pako maja e thatë / 20 gr maja e freskët
250 ml ujë të vakët
3 lugë gjelle vaj ulliri
1 vezë (për lyerje)

Për mbushjen:
300 gr mish viçi
150 gr kërpudha
1 spec i kuq
1 spec jeshil
1 qepë mesatare
2 thelpinj hudhër
3 lugë gjelle vaj ulliri
1 lgj salcë soje (opsionale)

Përgatitja:

Përziejmë miellin, kripën dhe sheqerin në një tas. Shtojmë majanë dhe ujin e vakët, duke shtuar edhe vajin. Formojmë një brumë elastik.

E mbulojmë dhe e lëmë të vijë për 1-2 orë në një vend të ngrohtë. Ndërkohë përgatisim mbushjen. Në një tigan të madh nxehim vajin dhe skuqim qepën e grirë imët derisa të bëhet transparente. Shtojmë mishin e viçit dhe e gatuajmë derisa të marrë ngjyrë.

Shtojmë më pas kërpudhat dhe specat, duke i gatuar për rreth 7-8 minuta. Në fund shtojmë salcën e sojës, kripën, piperin dhe rigonin. E përziejmë dhe e lëmë të ftohet pak. Pasi brumi të ketë ardhur, e ndajmë në topa të vegjël dhe i hapim me okllai. Vendosim secilin disk brumi në forma për muffins ose tasa rezistent ndaj nxehtësisë.

I mbushim me përzierjen e mishit dhe perimeve. Mbledhim skajet e brumit pak mbi mbushjen për të krijuar formën e shportës. Lyejmë sipërfaqen e brumit me një vezë të rrahur dhe i pjekim në furrë të parangrohur në 200°C për 20-25 minuta, derisa shportat të marrin një ngjyrë të artë.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128