Qeveria mbylli kolegjin “Mehmet Akif”, nxënësit: Mësimdhënia është me cilësi të lartë

23 Shtator 2022, 15:25 / EKONOMI&SOCIALE ALFA PRESS

Qeveria mbylli kolegjin “Mehmet Akif”, nxënësit:

Pas vendimit të qeverisë për mbylljen e kolegjit turk “Mehmet Akif”, nxënëset e kësaj shkolle dolën në protestë.

Nxënëset thonë se nuk duan të largohen nga shkolla.

Shprehen së mësimdhënia është me cilësi të lartë dhe plotëson të gjitha kërkesat e për arsim të denjë.

Ka dhe prej atyre të cilat mbajnë në duar diplomat e firmosura nga vetë kryeministri Edi Rama duke dëshmuar se kjo shkollë është një shembull i ekselencës në arsimin shqiptar.

Pak para protestës reagoi dhe ministria e arsimit që sqaron arsyet e mbylljes së shkollës.

Nëpërmjet një statusi në Facebook, deklaron se kolegji “Mehmet Akif” është në shkelje të ligjit.

Pretendon se zhvendosja e kolegjit në këtë godinë, nuk është miratuar dhe se nuk janë plotësuar kriteret ligjora edhe pse janë kryer dy herë verifikmet nga ky institucion.