Lajme flash
Clement Turpin bën histori: Eshtë arbitri që ka dhënë më shumë penallti në Champions
12 Shkurt 2025, 16:38 / SPORT
Gjatë ndeshjes së parë të play-off-it midis Manchester City dhe Real Madrid, të luajtur dje në stadiumin Etihad dhe që përfundoi 2-3, arbitri francez Clement Turpin ka fishkëllyer një penallti në favor të Sky Blues në minutën e 77-të për një faull në zonë nga Dani Ceballos ndaj Phil Foden. Një vendim i konfirmuar edhe nga ndihmësit e tij dhe VAR.
Ishte penalltia e 29-të e Turpin në 53 ndeshje të Champios League, gjë që e vendos 42-vjeçarin në krye të renditjes përpara gjermanit Felix Brych (49), i cili ka fishkëllyer 28 penallti në 69 ndeshje në kompeticionin më të lartë evropian.
Penalltia e parë e akorduar nga Turpin, raporton shtypi francez, daton në 4 nëntor 2014, gjatë një barazimi spektakolar midis Arsenalit dhe Anderlecht në fazën e grupeve (3-3): ishte ndeshja e tij e dytë në skenën më prestigjioze kontinentale dhe ai akordoi dy prej tyre, një i konvertuar nga Mikel Arteta dhe tjetri nga Anthony Vanden.
Pasi akordoi pesë në katër ndeshjet e tij të para të Champons League, Turpin dukej se e kishte humbur pak ritmin e tij, por së fundmi është rikthyer në formën e tij debutuese, duke dhënë pesë penallti në gjashtë ndeshjet e fundit direkte.
Po ndodh...
ide
Shqipëria Madhështore apo Shqipëria e Pazarit Madhështorë!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128