English
Luaj me Fjalëkryq
Lajme flash

Eric Bailly i kërcënuar me jetë nga një agjent i panjohur: "Më vjen mirë të shoh se çfarë po ndodh me ty"…

11 Dhjetor 2023, 16:06 / SPORT ALFA PRESS

Eric Bailly i kërcënuar me jetë nga një agjent i panjohur:
Eric Bailly ka raportuar se është viktimë e një sërë kërcënimesh, ngacmimesh dhe madje edhe një “mallkimi” nga një agjent i panjohur. Sipas ‘Mirror Football’, ish-lojtari i Manchester United po merr një sërë mesazhesh përmes WhatsApp-it, ku një agjent i kërkon para për transferimin e tij te Besiktas verën e kaluar.

Një lidhje e turbullt me ​​nuanca madje 'të mbinatyrshme'. Mediat angleze zbulojnë se ky agjent i supozuar i ka dërguar mesazh Bailly-t, duke e kërcënuar se e kishte sharë. 

Një mesazh i ardhur teksa mbrojtësi ishte duke luajtur një ndeshje në ligën turke kundër Fenerbahçes. Ai shkaktoi një penallti dhe ekipi i tij humbi 1-3. Në fund të takimit ai kishte një mesazh në celular. "Jam i lumtur që shoh se çfarë po të bën mallkimi im. Ti nuk je burrë."

Lajmi i keq nuk mbaroi me kaq dhe një ditë pas ndeshjes, Besiktas njoftoi me anë të një deklarate, se Bailly po largohej nga skuadra bashkë me shokët e tjerë të skuadrës. "Pesë lojtarë nga ekipi ynë janë përjashtuar nga skuadra. Koordinatori i përgjithshëm i ekipeve tona të futbollit, Samet Aybaba, njoftoi se Vincent Aboubakar, Valentin Rosier, Eric Bailly, Rachid Ghezzal dhe Jean Onana, u përjashtuan nga skuadra për paraqitje të dobët. dhe papajtueshmëri brenda skuadrës. Puna jonë për strukturën e re të personelit vazhdon”, sqaroi klubi turk.

Çështja shkon shumë më tej. Lojtari nga Bregu i Fildishtë denoncon gjithashtu se ky agjent anonim e ka kërcënuar se "do t'i dërgojë njerëz tek ai". Sakaq, përfaqësuesi ligjor i Bailly është Severin Bohui, xhaxhai i tij, i cili në një prononcim për 'Mirror' ka siguruar se Eriku nuk e njeh këtë person. 

"E pyeta nëse kishte nënshkruar ndonjë kontratë ndërmjetësimi me atë njeri dhe ai tha jo. Ai nuk ka pushuar së dërguari kërcënime dhe shantazhe. Ai është duke insinuar, se Eriku i ka borxh disa para pasi ka qenë pjesë e njerëzve që negociuan transferimin e tij te Beskitas”, - shpjegoi agjenti i tij.

Mediat britanike pretendojnë, se Bailly do ta transferojë këtë çështje në klub dhe më pas në FIFA, diçka që Bohui beson se nuk mjafton. "Ai po kërcënon se do të dërgojë njerëz tek ai, kështu që unë mendoj se bllokimi i tij nuk e zgjidh problemin. Kjo është më shumë një çështje sigurie sesa një çështje e FIFA-s."

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128