Lajme flash
Premier League/ Përplasje e frikshme kokë më kokë, Morgan Gibbs-White dhe Robert Sánchez përfundojnë me qepje
5 Maj 2026, 17:12 / SPORT
Një moment tronditës ka shënuar ndeshjen mes Chelsea-t dhe Nottingham Forest, e fituar 3-1 nga mysafirët, ku një përplasje e fortë kokë më kokë mes Morgan Gibbs-White dhe portierit Robert Sánchez la të dy lojtarët të gjakosur dhe me qepje në fytyrë.
Incidenti ndodhi në pjesën e dytë, kur Gibbs-White, i futur si zëvendësues, u përplas dhunshëm me ‘gardianin’ e Chelsea-t. Mesfushori anglez u detyrua të largohej nga fusha në minutën e 66-të, ndërsa më vonë publikoi një foto në rrjetet sociale ku shihej me disa qepje nga balli deri pranë hundës. Pavarësisht plagës së rëndë, ai u shfaq optimist, duke falënderuar tifozët për mbështetjen dhe duke festuar fitoren e skuadrës së tij.
Edhe Sánchez nuk shpëtoi pa pasoja, duke u zëvendësuar pas përplasjes dhe duke treguar më vonë plagën e tij në kokë. Ai i dërgoi një mesazh sportiv Gibbs-White, duke i uruar shërim të shpejtë.
Kjo nuk ishte e vetmja situatë shqetësuese në ndeshje. Në pjesën e parë, i riu Jesse Derry u largua me barrelë dhe përfundoi në spital pas një tjetër përplasjeje të rëndë.
Trajneri i Nottingham Forest, Vítor Pereira, u shpreh optimist për rikthimin e Gibbs-White, duke theksuar forcën mendore të lojtarit: “Ka një prerje të thellë, por është luftëtar. Shpresojmë që stafi mjekësor ta rikthejë në kohë, sepse është shumë i rëndësishëm për ne.”
Sipas protokolleve të UEFA-s për tronditjet në kokë, lojtarët duhet të qëndrojnë jashtë për të paktën gjashtë ditë, çka e vë në dyshim pjesëmarrjen e tij në ndeshjen e ardhshme të rëndësishme në Europë.
Pavarësisht incidenteve, Nottingham Foresti mori një fitore të madhe në “Stamford Bridge”, duke dhënë një sinjal të fortë para sfidave vendimtare të sezonit.
Po ndodh...
Të shtunën molotov, të enjten pazar!
Nga Bato Kosova
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128