Lajme flash
Aplikimet në universitete, 60% e kandidatëve kanë zgjedhur degët, kryeson mjekësia dhe IT
1 Gusht 2024, 15:55 / AKTUALITET
Edhe pak ditë kohë kanë maturantët për të zgjedhur degët për studimet e larta në Shqipëri. Mesnatën e 4 gushtit, portali U-albania mbyll aplikimet për formularin me 10 preferencat e çdo kandidati.
Kreu i Rrjetit Akademik Shqiptar, Arjan Xhelaj, tregon për A2 CNN se 60% e maturantëve tashmë e kanë bërë përzgjedhjen e degëve që në dy ditët e para të procesit. Edhe këtë vit degët më të preferuara nga të rinjtë janë ato që kërkohen dhe paguhen më shumë nga tregu i punës.
Veçanërisht pas pandemisë programet e Mjekësisë dhe IT kanë kërkesat më të larta dhe konkurrencën më të fortë. Kandidatët për këto programe i nënshtrohen edhe konkurseve elektronike ose jo, të cilat zhvillohen nga Universitetet për përzgjedhjen e më të mirëve.
Me mbylljen e konkurseve për degët specifike dhe llogaritjet për të gjitha programet e studimit, në fund të gushtit universitete shpallin kandidatet fitues. Më 27 gusht, portali U-albania shpall listën e fituesve, ndërsa më 30 gusht nis regjistrimi në universitete I cili do të ketë 7 faza ashtu si dhe vite më parë.
Po ndodh...
Paparashikueshmëria, prova e pavarësisë së drejtësisë
Nga Blendi Kajsiu
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128