English
Luaj me Fjalëkryq
Lajme flash

Begaj uron Pashkën nga Korça: Të jemi më solidarë dhe më të mirë me njëri-tjetrin

12 Prill 2026, 15:50 / AKTUALITET ALFA PRESS

Begaj uron Pashkën nga Korça: Të jemi më solidarë dhe

Presidenti i Republikës, Bajram Begaj, ka vizituar këtë të diel Mitropolinë e Korçës, nga ku ka përcjellë urimet për festën e Pashkës për të gjithë besimtarët ortodoksë dhe shqiptarët kudo që ndodhen.

Në një deklaratë për mediat, Kreu i Shtetit uroi paqe, dashuri dhe mbarësi, duke theksuar rëndësinë e solidaritetit dhe bashkëjetesës në shoqëri.

“Jam i gëzuar që ndodhem sot në Korçë për të uruar nga Mitropolia e Korçës të gjithë besimtarët ortodoksë: Gëzuar Pashkën! Qoftë një Pashkë e bekuar për të gjithë, por edhe për gjithë shqiptarët. Uroj që drita e qiririt të marrë në kishë të ndriçojë zemrën e çdo individi dhe të gjithë shoqërisë sonë,” u shpreh Begaj.

Presidenti bëri apel për më shumë mirëkuptim dhe mbështetje mes qytetarëve, duke shtuar se “duhet të bëhemi më të mirë për njëri-tjetrin, më solidarë dhe më të mbarë”.

Gjatë vizitës, ai uroi gjithashtu drejtuesit e Mitropolisë së Korçës për një shërbesë të suksesshme dhe të mbarë.

Nga Korça, urimet për Pashkën i përcolli edhe Kryetari i Kuvendit, Niko Peleshi, i cili e cilësoi këtë festë si një ditë gëzimi dhe mirësie.

“Dita e Pashkës është një ditë e gëzuar dhe do të uroja që kjo mirësi të përhapet te të gjithë qytetarët e Korçës dhe te të gjithë shqiptarët kudo që jetojnë. Pashkë të mbara dhe ditë të paqta të pasojnë,” u shpreh Peleshi.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128