Detaje/ Mbytet në plazhin e Velipojës 60-vjeçari, ja çfarë dyshohet

24 Qershor 2024, 15:34 / AKTUALITET ALFA PRESS

Detaje/ Mbytet në plazhin e Velipojës 60-vjeçari, ja

Një person rreth moshës 60 vjeç ka humbur jetën teksa po lahej në Velipojë pasi është mbytur.

60-vjeçari, identiteti i të cilit nuk është identifikuar ende, ka dale në breg i shtyrë nga uji dhe më pas është konstatuar nga pushues të tjerë të cilët menjëherë kanë njoftuar autoambulancën e Velipojës dhe policinë.

Dyshohet se 60-vjeçari ka pësuar një atak kardiak duke humbur jetën në mënyrë të menjëhershme.

Sipas burimeve nga vendngjarja për afro 15 minuta trupi i pajetë ka qëndruar mbi ujë sepse pushuesit e tjerë nuk e kanë ditur se ishte mbytur derisa uji e nxori në breg.

Është rasti i dytë brenda pak kohësh pas humbjes së jetës të shtetases Drande Marku pak ditë më parë e cila po ashtu u mbyt në plazhin e Velipojës teksa ndodhej brenda në ujë duke pësuar goditje në zemër.