Lajme flash
Sherr mes të rinjve në Vlorë, një i plagosur me thikë dhe tre me sende të forta
9 Mars 2025, 16:36 / AKTUALITET
Një sherr masiv mes disa personave ka ndodhur ditën e sotme në lagjen “Hajro Çakërri” të Vlorës.
Policia e qytetit njofton se një 20-vjeçar ka mbetur i plagosur me thikë, ndërsa tre të tjerë një 19-vjeçar, një 30 dhe një 32 vjeçar kanë mbetur të plagosur me sende të forta, fatmirësisht të gjithë janë jashtë rrezikut për jetën.
Sot, rreth orës 14:45, në një lavazho në lagjen “Hajro Çakërri”, Vlorë, janë konfliktuar me sende të forta disa shtetas dhe gjatë konfliktit, njëri prej tyre, shtetasi K. H., rreth 20 vjeç, ka mbetur i dëmtuar me mjet prerës (thikë). Aktualisht ndodhet në spital, jashtë rrezikut për jetën.
Si pasojë e konfliktit, kanë mbetur të dëmtuar me sende të forta edhe shtetasit R. Y., 30 vjeç, R. M., 19 vjeç, dhe D. I., 32 vjeç, të cilët, pasi morën ndihmën mjekësore, u shoqëruan në komisariat për t’u marrë në pyetje lidhur me rrethanat e konfliktit.
Nga veprimet e shpejta hetimore është identifikuar dhe po punohet për lokalizimin dhe kapjen e autorit të dyshuar të plagosjes me thikë, shtetasi A. B., 25 vjeç.
Grupi hetimor vijon punën për zbardhjen e plotë të ngjarjes dhe identifikimin e çdo shtetasi tjetër të përfshirë në këtë konflikt.
Po ndodh...
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128