Presidenti gjerman Steinmeier bën thirrje për rikthimin e detyrimit ushtarak: Në Evropë ka luftë të vërtetë! Rusia ka shkatërruar...

Presidenti i Gjermanisë, Frank-Walter Steinmeier, deklaroi se Evropa nuk ndodhet më përballë një “kërcënimi për luftë”, por është në mes të një lufte të vërtetë, duke akuzuar Rusinë se me agresionin e saj në Ukrainë ka “shkatërruar të gjithë arkitekturën e sigurisë në Evropë”.

Në intervistën vjetore për televizionin publik ZDF, kreu i shtetit gjerman theksoi nevojën që vendi të nxjerrë mësime nga situata aktuale dhe të rihapë debatin për rikthimin e shërbimit të detyrueshëm ushtarak.

“Evropa dhe Gjermania duhet të mbrohen më mirë. Kjo përfshin edhe një rritje të kapaciteteve njerëzore të ushtrisë gjermane (Bundeswehr), e cila nuk mund të arrihet vetëm me rekrutim vullnetar,” u shpreh Steinmeier.

Ai theksoi se është përkrahës i rikthimit të detyrimit ushtarak, duke vlerësuar se në rrethanat aktuale të sigurisë, Gjermania ka nevojë për një ushtri më të madhe dhe më të përgatitur.

Kritika për SHBA-në dhe apeli për Gazën

Presidenti gjerman komentoi edhe mbi përshkallëzimin e tensioneve në Lindjen e Mesme, duke kritikuar SHBA-në, konkretisht administratën e mëparshme të Donald Trump, për braktisjen e marrëveshjes bërthamore me Iranin. Sipas tij, kjo ka çuar në zhvillimin e mëtejshëm të programit bërthamor iranian dhe ka ndikuar në përshkallëzimin e konfliktit.

“Pas një procesi të gjatë negociatash, në vitin 2015 u arrit një marrëveshje historike për të kufizuar programin bërthamor të Iranit. Ajo marrëveshje u prish nga qeveria Trump dhe që atëherë Irani ka avancuar me kapacitetet e veta bërthamore,” tha Steinmeier.

Në lidhje me situatën humanitare në Rripin e Gazës, ai bëri thirrje për presion diplomatik ndaj Izraelit nga ana e Gjermanisë, duke e cilësuar këtë si një përgjegjësi që Berlini duhet ta marrë përsipër, për shkak të marrëdhënieve të ngushta me Izraelin.

Bashkëpunimi me NATO-n dhe mesazh për paqe

Steinmeier vlerësoi si të suksesshëm samitin e fundit të NATO-s, duke theksuar rëndësinë e bashkëpunimit të ngushtë me aleatët evropianë dhe transatlantikë. “Nuk përgatitemi për të bërë luftë, por për ta parandaluar atë,” tha ai.

Po ndodh...

09:48 AKTUALITET

Zbulohet ‘foleja’ e prostitucionit në Durrës, arrestohen dy kolumbiane, procedohen gjashtë të tjerë

09:21 BOTA

“Forbes” liston 10 vendet më të mira për të jetuar në vitin 2026

09:05 AKTUALITET

I vuri flakën dy automjeteve në Shkodër, arrestohet 19-vjeçari

08:39 KOSOVA

Lëkundje tërmeti në Kosovë, sa ishte magnituda

08:33 EKONOMI&SOCIALE

Këmbimi valutor 15 dhjetor/ Me sa blihen e shiten sot monedhat e huaja

08:28 SHOWBIZ

Regjisori i njohur i Hollivudit dhe gruaja e tij gjenden të vdekur, nis hetimi për vrasje

08:25 BOTA

Anije greke kapet me sasi të madhe kokaine nga Amerika Latine drejt Evropës

08:19 AKTUALITET

Diell dhe temperatura të ulta! Parashikimi i motit për këtë të hënë

08:05 JETË

Horoskopi Ditor E Hënë 15 Dhjetor 2025

00:01 Fjalëkryq

Skemë e lirë 15 dhjetor

23:52 BOTA

I betuari i ISIS-it/ Identifikohet i dyshuari i dytë për sulmin terrorist në Sydney, u mori jetën dhjetëra personave

23:35 AKTUALITET

Shqipëria, parajsa “offshore” për mashtruesit: Turku Veysel Sahin me “call centera”, synon bastet online!

23:21 SPORT

Ernest Muçi vlerësohet me çmimin “Goli më i bukur” i nëntorit

23:00 BOTA

Ukraina pret përgjigjen e SHBA-së për propozimin e fundit të paqes të Kievit, Zelensky fillon takimet diplomatike në Berlin

Dua të lexoj më shumë lajme