Lajme flash
“E hodha unë nga ballkoni, më falni”, ish-i dashuri pranon vrasjen e 13-vjeçares Aurora Tila në Itali
14 July 2026, 10:43 / AKTUALITET
Ish-i dashuri i Aurora Tilës ka pranuar se ishte ai që shkaktoi vdekjen e 13-vjeçares, duke e hedhur nga ballkoni i një pallati në Piacenza më 25 tetor 2024.
Gjatë procesit të apelit, i riu, i cili në shkallën e parë ishte dënuar me 17 vite burg nga Gjykata për të Mitur, ndryshoi versionin e tij dhe kërkoi falje për veprimin, si dhe për faktin se kishte pritur kaq gjatë për të pranuar përgjegjësinë.
“Me rrëfimin e tij mbyllet një rreth. Megjithatë, shpresojmë që gjykata të konfirmojë vendimin e shkallës së parë, e cila caktoi një dënim të përshtatshëm”, deklaroi avokati Emilio Malaspina, përfaqësues i nënës së viktimës.
Procesi është shtyrë për më 10 shtator, kur pritet vendimi i Gjykatës së Apelit. Avokati i familjes së Aurorës tha se rrëfimi erdhi shumë vonë dhe se nuk duhet të ndikojë në një ulje të dënimit.
“Besojmë se kjo zgjedhje është bërë pikërisht për të kërkuar një reduktim të dënimit prej 17 vitesh të vendosur në shkallën e parë. Ne do të presim me qetësi vendimin e gjykatës”, u shpreh ai.
Si ndodhi ngjarja – Aurora Tila humbi jetën në tetor të vitit 2024, pasi ra nga kati i shtatë i pallatit ku banonte në Piacenza. Në momentin e ngjarjes, me të ndodhej një djalë 15-vjeçar, i cili fillimisht mohoi përfshirjen dhe pretendoi se bëhej fjalë për vetëvrasje.
Hetuesit, megjithatë, ngritën dyshime që në fillim. Sipas akuzës, mes të dyve kishte pasur një lidhje disa mujore, e cila kishte përfunduar, ndërsa i riu ishte bërë gjithnjë e më kontrollues ndaj vajzës.
Aurora u kishte treguar shoqeve të saj për ndjekje dhe presione, madje kishte kërkuar edhe ndihmë nga inteligjenca artificiale për të kuptuar dallimin mes një marrëdhënieje të shëndetshme dhe një lidhjeje toksike.
Një dëshmitar deklaroi se e kishte parë 13-vjeçaren të kapur pas parmakut të ballkonit, ndërsa ish-i dashuri i saj e godiste në duar, duke bërë që ajo të binte në boshllëk.
Ngjarja shkaktoi reagim të madh në Itali, me qindra persona, kryesisht të rinj, që dolën në protesta duke kërkuar fundin e dhunës ndaj grave.
Në shkallën e parë, i riu u shpall fajtor për vrasje të rënduar dhe iu njohën edhe rrethanat rënduese, përfshirë përndjekjen. Prokuroria kishte kërkuar një dënim prej 20 vitesh e 8 muajsh burg, ndërsa gjykata vendosi 17 vite pas procesit me procedurë të shkurtuar.
Sipas gjyqtarëve, kërkimet dhe mesazhet e Aurorës me ChatGPT u konsideruan si një element që tregonte gjendjen e presionit dhe përndjekjes që ajo kishte përjetuar.
Mbrojtja ka apeluar vendimin, ndërsa Aurora Tila mbetet një nga viktimat më të reja të femicidit të regjistruara në Itali.
Po ndodh...
Protesta, shenja e kohës së pamjaftueshme të Berishës për të ringjallur PD
Nga Indrit Gjyzeli
ide
Sa herë artistët e intelektualët heshtin, flet frika!
Nga Ardi Stefa
Për një Republikë të Katërt, të Re!
Nga Dashnor Kokonozi
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128