English
Luaj me Fjalëkryq
Lajme flash

Frika nga protestat, qeveria italiane rrit me 60% subvencionet për fermerët

3 Shkurt 2024, 20:35 / EKONOMI&SOCIALE ALFA PRESS

Frika nga protestat, qeveria italiane rrit me 60% subvencionet për

Protestat e fermerëve duket se e kanë trembur qeverinë italiane, e cila ka nxituar të rrisë me 60 për qind subvencionet për bujqit.“Fondet buxhetore nga Plani i Rimëkëmbjes Ekonomike kushtuar botës së fermerëve, që është veçanërisht e rëndësishme për ne, janë rritur nga 5 në 8 miliardë euro”. Kështu deklaroi Presidentja e Këshillit të Ministrave, Giorgia Meloni, në Catania duke vizituar 3Sun Gigafactory, e ashtuquajtura “fabrika e diellit” e grupit Enel e destinuar të bëhet më e madhja në Evropë për prodhimin e paneleve fotovoltaike me performancë shumë të lartë deri në vitin 2024.

Valë protestash

Protestat e fermerëve mbërritën edhe në Itali, pasi janë përhapur që nga fillimi i janarit në disa vende evropiane, përfshirë Gjermaninë dhe Francën. Që nga fundjava e 27 dhe 28 janarit, disa qindra fermerë kanë bllokuar me traktorët e tyre rrugë të ndryshme dhe pikat e pagesës së autostradave në pjesë të ndryshme të vendit, nga Veriu në Jug.

Në shumicën e rasteve protestat organizohen nga grupe aktivistësh apo shoqata të vogla, të cilët veprojnë në mënyrë të pavarur, por kanë disa qëndrime të përbashkëta: kritikojnë politikat bujqësore evropiane, të konsideruara tepër ambientaliste dhe jo të vëmendshme ndaj nevojave të punëtorëve, janë kundër të ashtuquajturave “ushqime sintetike” dhe i kërkojnë qeverisë italiane të ruajë disa lehtësime tatimore në favor të sipërmarrësve bujqësorë, të cilët janë në vështirësi për shkak të rritjes së kostove të prodhimit.

Për momentin, forma kryesore e protestës e miratuar nga demonstruesit ka qenë bllokimi i rrugëve dhe pikave të pagesës së autostradave në pjesë të ndryshme të Italisë. Në Milano, për shembull, afro 200 fermerë vendosën traktorët e tyre pranë Melegnano-s, në jug të qytetit; të tjerë bllokuan kabinën e pagesës së autostradës Brescia dhe rrugë të ndryshme në Piemonte dhe Liguria. Në qendër dhe jug, trafiku u pengua në disa rajone, duke përfshirë Pulia, Kalabria dhe Lazio, veçanërisht pranë Ortes.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128