Fillimi i një rezistence të gjerë? PD zhvillon sot protestën kombëtare përpara Kryeministrisë

Partia Demokratike zhvillon sot, më 22 dhjetor, protestën shumë të paralajmëruar kombëtare, përpara godinës së Kryeministrisë, ku kërkon dorëheqjen e kreut të qeverisë, Edi Rama.

Tubimi është paralajmëruar të nisë në orën 18:00 në bulevardin “Dëshmorët e Kombit” dhe pritet të ketë një pjesëmarrje më të madhe të mbështetësve të opozitës, në krahasim me pesë protestat e mëparshme, të zhvilluara në formën e një “foltoreje”.

Gjatë fundjavës që lamë pas, eksponentë të ndryshëm të PD-së, mes tyre Flamur Noka, Albana Vokshi, Jola Hysaj, Klevis Balliu dhe Elda Hoti, kanë zhvilluar takime të shumta me qytetarë në zona të ndryshme të vendit, duke i ftuar ata të marrin pjesë në protestën e sotme, e cila konsiderohet nga ata si një moment kyç në aksionin opozitar kundër qeverisë.

Protesta e sotme vjen pas deklaratave të forta të kreut të PD-së, Sali Berisha, i cili më 20 dhjetor paralajmëroi se kjo do të jetë vetëm fillimi i një rezistence më të gjerë për rrëzimin e qeverisë Rama. Në një komunikim me mbështetësit e tij, Berisha nuk përjashtoi as nisma të tjera paralele, përfshirë akte ekstreme të ngujimit apo edhe qëndrimin e deputetëve në Parlament.

Një ditë përpara protestës, autoritetet kanë nisur masa të shtuara sigurie në ambientet përreth Kryeministrisë. Ditën e djeshme, në fasadën përballë bulevardit “Dëshmorët e Kombit” janë vendosur mburoja metalike, me qëllim mbrojtjen e institucionit nga incidente të mundshme gjatë tubimit.

Punonjës shërbimi janë parë duke montuar strukturat metalike. Edhe pse autoritetet nuk kanë bërë ende një njoftim zyrtar për planin e plotë të masave të sigurisë, përgatitjet në terren tregojnë një gatishmëri të lartë të forcave të rendit.

Protesta e sotme pason një seri tubimesh të zhvilluara gjatë javëve të fundit. Më 15 dhjetor, PD zhvilloi protestën e pestë radhazi përpara Kryeministrisë, e organizuar në formën e një “foltoreje”, ku deputetë, përfaqësues të opozitës dhe qytetarë adresuan akuza dhe denoncime ndaj qeverisë së Edi Ramës. 

Protesta e 22 dhjetorit shihet nga opozita si një hap i radhës drejt intensifikimit të aksionit politik kundër qeverisë.

Po ndodh...

14:02 DRAFT

Alfapress.al publikon dosjen “AKSHI-Agasi-Beqiri-Karçanaj”/ Miliona euro me tendera, krim, pengmarrje dhe cenim i Sigurisë Kombëtare!

11:55 BOTA

Fermerët grekë vijojnë protestat, bllokime rrugësh dhe kufinjsh gjatë gjithë festave

11:43 POLITIKË

Tirana përgatitet për protestën e opozitës! 1300 efektivë zbresin në terren, në gatishmëri edhe forcat RENEA

11:39 SPORT

FOTO/ Tradita e veçantë e klubit të La Liga-s, lodrat prej pelushi “pushtojnë” fushën e blertë

11:17 AKTUALITET

Mjegulla e dendur bllokon Rrugën e Kombit, Policia apel shoferëve

11:03 POLITIKË

Dosja "Partizani"/ Jamarbër Malltezi paraqitet në SPAK me pankartë në duar

10:50 BOTA

Gjermania përballet me valë falimentimesh, bizneset e vogla në rrezik

10:37 AKTUALITET

“Kontaktoni patriotin tonë për njerëzit që kryejnë krime"/ Paguhen 2500 sterlina për të nxjerrë kriminelët nga Anglia, Daily Mail infiltrohet brenda rrjetit të trafikantëve shqiptarë

10:28 AKTUALITET

"Misioni i SPAK shkon përtej mandateve individuale"/ Braho prezantohet në krye të SPAK: Ju tregoj ku do e kem fokusin!

10:24 AKTUALITET

Braho merr zyrtarisht detyrën kreut të SPAK, konferencë e përbashkët me Dumanin: Jemi ndeshur me presione, sot SPAK është më i besueshëm

10:19 RECETA ALFA

Mish derri në furrë me portokall, konjak dhe fruta të thata

10:07 AKTUALITET

Festat e fundvitit, policia publikon planin e masave

10:00 POLITIKË

Koncerte e sponsorizime që kushtojnë rreth 2.4 mln euro nga Bashkia Tiranë, SPAK zbarkon te bizneset e lidhura me Arbër Veliajn

10:00 EKONOMI&SOCIALE

Miratohet Akti Normativ i Fundvitit, 15 mijë lekë bonus për familjet në nevojë dhe personat me aftësi ndryshe, kush përfiton

Dua të lexoj më shumë lajme