Fjalimi "bombë" i VanHorn në trajnimin e FBI në Shqipëri: Prioritet i Presidenti Trump forcimi i SPAK dhe BKH!

Lufta kundër krimit të organizuar dhe trafikimit të narkotikëve mbetet një prioritet strategjik për Shtetet e Bashkuara të Amerikës në Shqipëri. Por sulmet që po i bëhen SPAK nga politika e korruptuar shqiptare, duket se kanë detyruar SHBA të fusin në "lojë" edhe vetë presidentin Trump në mbrojtje të tyre.

Në përmbyllje të trajnimit të specializuar të FBI-së për mbikëqyrjen dhe analizën e të dhënave celulare, e Ngarkuara me Punë e Ambasadës së SHBA-së, Nancy VanHorn, theksoi angazhimin e palëkundur amerikan për të mbështetur institucionet shqiptare të drejtësisë dhe sigurisë në përballjen me rrjetet kriminale moderne, të cilat po shfrytëzojnë teknologjinë për të zgjeruar aktivitetin e tyre.

Fjalimi i të Ngarkuarës me Punë Nancy VanHorn në Trajnimin nga FBI për Mbikëqyrjen e Analizës së Celularëve

Faleminderit Rektor Mandro, Kryeprokuror i Posaçëm Braho dhe Drejtor Keta që na jeni bashkuar për të shënuar përfundimin e këtij trajnimi të rëndësishëm. Dhe dua të falënderoj gjithashtu kolegët tanë të FBI-së Brendan Collins dhe Kala, është kënaqësi t’ju shoh përsëri, Joe Danneff nga Ekipi i FBI-së për Mbikëqyrjen e Analizës së Celularëve, të cilët ndanë ekspertizën e tyre.

Pra, kushdo që ndjek Ambasadën e Shteteve të Bashkuara këtu në Shqipëri e di se lufta e krimit të organizuar dhe trafikimit të narkotikëve janë përparësi kryesore për ne. Dhe kur Presidenti Trump bëri thirrje për eliminimin e plotë të krimit të organizuar ndërkombëtar, ai nënvizoi se këta kriminelë përdorin sjellje “të ndërlikuara të përshtatjes”, duke krijuar kërcënime të pazakonta dhe në zhvillim për sigurinë tonë kombëtare.

Dhe siç tha Sekretari Rubio, organizatat ndërkombëtare kriminale dhe terroriste, veçanërisht ato të angazhuara në trafikimin e narkotikëve, janë kërcënimi më i madh për sigurinë e Shteteve të Bashkuara në Hemisferën Perëndimore, ku këto grupe po destabilizojnë shtet-kombet dhe po i çojnë në emigrim masiv.

Ne do të ndjekim me këmbëngulje prioritetet e Presidentit Trump në Shqipëri, duke forcuar institucionet që luftojnë krimin e organizuar dhe trafikun e narkotikëve si SPAK, BKH dhe Akademia e Sigurisë.

Rrjetet kriminale, përfshirë grupet shqiptare që bashkëpunojnë me kartelet e Amerikës Latine të përmendura nga Sekretari Rubio, përbëjnë kërcënime të konsiderueshme për sigurinë dhe përparimin ekonomik të Shqipërisë përmes aktiviteteve si trafiku i drogës dhe pastrimi i parave. Sikurse e keni parë përmes këtij kursi, këto krime po mundësohen nga teknologjitë moderne.

Dhe përmes këtij trajnimi, ju tani keni mjete të reja hetimore dhe aftësi analitike për të shfrytëzuar të dhënat celulare në hetimet penale. Kjo përmirëson hetimet tuaja, duke siguruar gjithashtu respektimin e standardeve më të larta ligjore dhe etike.

Dhe ju tani keni pajisje dhe aftësi të reja për hetime të përmirësuara që do të çojnë në më shumë ndjekje penale dhe dënime më të forta të pjesëtarëve të krimit të organizuar.

Ndaj, urime për përfundimin e këtij kursi dhe faleminderit që më lejuat të jem me ju sot.

Po ndodh...

10:26 AKTUALITET

Dhunoi me qytën e pistoletës në ambientet e IKMT inspektorin, shpallet në kërkim kunati i Ergys Agasit

10:21 SPORT

"Më shpëtoi Asani..."/ Historia prekëse e futbollistit të kombëtares maqedonase! Tre ditë pa ngrënë e pa pirë në Iran, u la në baltë nga skuadra mes lufte

10:00 KOSOVA

Më pak se 48 orë për zgjedhjen e Presidentit të ri të Kosovës, paralajmërohet seancë

09:46 SHOWBIZ

Ceremoni madhështore në Monaco, piloti i ‘Formula 1’ kurorëzon dashurinë

09:39 AKTUALITET

Emrat/ Sherr mes policëve bashkiakë të Tiranës, efektivi godet kolegun brenda zyrës

09:21 POLITIKË

"Bllokoi foltoren dhe pengoi seancën", PS kërkon përjashtimin e Agron Shehajt nga parlamenti

09:02 BOTA

Netanyahu i zbuloi Trumpit informacionin kyç, çfarë u fol në telefonatën e 23 shkurtit

09:00 BOTA

Trump tha se do ndërpresë tregtinë me Spanjën, reagon Madridi: SHBA duhet të zbatojë ligjin ndërkombëtar dhe marrëveshjen tregtare me BE-në

08:41 BOTA

Tërmeti i fortë godet jugun e Italisë, mbyllen shkollat

08:36 EKONOMI&SOCIALE

Çfarë po i ndodh monedhave tuaja? Ja sa blihet dhe shitet dollari dhe euro

08:34 EKONOMI&SOCIALE

Shqiptarët tremben nga lufta Iran-Izrael, ngrijnë rezervimet për pushime

08:24 AKTUALITET

Rikthehen vranësirat dhe reshjet e shiut, parashikimi i motit për këtë të merkurë

08:22 BOTA

“Asnjë pikë naftë nuk largohet nga rajoni!”/ Garda Revolucionare: Ne kontrollojmë Ngushticën e Hormuzit

08:02 JETË

Horoskopi Ditor E Mërkurë 4 Mars 2026

Dua të lexoj më shumë lajme