English
Luaj me Fjalëkryq
Lajme flash

Klodiana Lala tregon arsyen se pse avokati amerikan nuk u pranua të merrte pjesë në seancën ndaj Erion Veliajt

11 Mars 2025, 22:41 / POLITIKË ALFA PRESS

Klodiana Lala tregon arsyen se pse avokati amerikan nuk u pranua të merrte

Joshua Roberts është avokati amerikan i cili nuk u pranua të merrte pjesë sot në seancën ndaj kryebashkiakut të Tiranës Erion Veliaj, në Apelin e GJKKO.

Avokati amerikan kërkoi që të merrte pjesë në seancë në rolin e vëzhguesit, por kërkesa e tij u refuzua.

Lidhur me këtë çështje, gazetarja Klodiana Lala, tha sot në emisionin “Open” në News 24, se avokati amerikan nuk u pranua për shkak se ligji shqiptar nuk lejon që në seanca gjyqësore të marrin pjesë palë të treta përveç se palëve të përcaktuara sipas ligjit siç janë  avokatët e palës mbrojtëse dhe prokurorët.

Lala tha se mundësia e vetme që avokati amerikan të merret pjesë në seancë sot do të ishte nëse ai do të kishte kontratë me studio ligjore shqiptare  dhe nëse do ishte i regjistruar në Shqipëri sipas ligjit shqiptar.

Klodiana Lala: Përfaqësuesi i një studio ligjore amerikane, i cili ditën e djeshme ka patur një takim të gjatë me Veliajn në  qelitë e paraburgimit në Durrës, në prani edhe të avokatëve të Veliajt. Ai tha dje se ishte ë cilësinë e vëzhguesit. Ai u paraqit sot në Apelin  e GJKKO në rolin e vëzhguesit. Ligji shqiptar nuk e parashikon që gjatë seancës për shqyrtimin e ankimimit të ketë palë të tjera përveç se palëve të caktuara. Në këtë aspekt Gjykata i bëri me dije se nuk mund të ishte i pranishëm në seancë.

Ka vetëm një mundësi që ai të ishte i pranishëm në gjykatën e Apelit, nëse do kishte kontratë bashkëpunimi me studio ligjore shqiptare dhe nëse do të ishte i regjistruar sipas ligjit në Shqipëri. Pra kjo ishte mundësia e vetme që ai të merrte pjesë në proces. Ai nuk bëri komete në dalje.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128