"Nuk duhet ngritur pritshmëria në qiell dhe të shfryhesh si tullumbac", Murrizi i zhgënjyer nga protesta dje: I vetmi që u largua ishte Ervin Salianji

Ish-deputeti i Partisë Demokratike dhe një nga zërat më kritikë ndaj lidershipit të kësaj force politike, Myslim Murrizi, ka shprehur hapur zhgënjimin e tij lidhur me tubimin e organizuar një ditë më parë nga ish-kryeministri dhe kryetari i PD-së, Sali Berisha.

Në një dalje për mediat, Murrizi vlerësoi se ajo që u paraqit si protestë nuk e përmbushi aspak këtë funksion, duke u shndërruar thjesht në një aktivitet politik të orkestruar. Sipas tij, tubimi duhej të kishte zgjatur më shumë dhe të kishte më i ashpër, në përputhje me pritshmëritë dhe deklaratat që ishin bërë më herët edhe brenda strukturave të partisë.

Ai theksoi se në Këshillin Kombëtar ishte kërkuar qartë një përshkallëzim i qëndrimit dhe kthimi i aktivitetit në një protestë reale, por kjo linjë nuk u ndoq. Murrizi nënvizoi se sa kohë një aktivitet zhvillohet me regji, podium dhe fjalime të paracaktuara, ai mbetet një tubim dhe jo një protestë qytetare.

“Të jem i sinqertë. Unë atë të djeshmen nuk e pashë protestë, ishte tubim politik, Duhet të zgjaste më shumë dhe duhet të ishte më i ashpër. Në Këshill Kombëtar u kërkua, unë nuk fola, kërkuan një ashpërsim kthimin e tubimit në protestë. Nuk e realizoi këtë qëndrim. Sa kohë bëhet me regji dhe flasin njerëz është tubi.

Nuk duhet ngritur pritshmëria në qiell dhe të shfryhesh si tullumbac. Ky është një gabim i Sali Berishës dhe ata që rrethojnë Berishën. Dy orë para, do ta rrëzojmë, do ta shkulim dhe vjen aty dy orë, flasin disa njerëz, të cilët nuk kanë një staturë, nuk ngjit dhe nuk duhet të  flisnin. Nëse do të fliste një fjalë motivuese dhe të fliste vetëm Berisha. Kërkojnë dhe të imitojnë edhe Berishën, ai s’ka nevojë për fotokopje pa ngjyra, është vetë aty”, tha Murrizi në Top News.

I Pyetur lidhur me skenarin që ai do të ndiqte nëse do të ishte kryetari i Partisë Demokratike, Murrizi theksoi se do të kishte një qasje krejt tjetër dhe do ta kishte kthyer tubimin në një protestë të vërtetë, pa podium dhe fjalime.  

“Nuk do të flisja dhe nuk do të kishte podium. Do të thërrisja qytetarët në protestë, do tentoja duke ju lutur miqësisht për të bërë sot një vazhdimësi tjetër të atyre, për aq sa mundem”, tha Murrizi.

Me shumë pritshmëri të larta u mblodhën një ditë më parë demokratët në Bulevard. Ashtu sikurse dhe para tubimit, por dhe pasditen e djeshme ata deklaruan se kryeministri Edi Rama do të largohej menjëherë nga qeveria.

Por, në fund i vetmi që u largua nga demokratët ishte Ervin Salianji. Pak pas përfundimit të protestës, ish-deputeti i cili mori pjesë në protestë u hoq nga Flamur Noka nga grupi i demokratëve në “Whats App”. Pasi deklaroi se askush nuk mund ta përjashtonte nga partia, Noka i tregoi se ai “mundet”.

Po ndodh...

12:01 AKTUALITET

Pas vendosjes në arrest shtëpie për tenderat e AKSH-it, drejtoresha Mirlinda Karçanaj delegon kompetencat

11:52 POLITIKË

“Jo Amnisti, por Paqe Fiskale”/ Rama: Mundësi për formalizimin e të ardhurave të pa deklaruara në vitet e kaluara! Ja kushti i vetëm që të përfitoni

11:32 AKTUALITET

Thellohet skandali/ Andis Papa 10 mln euro biskota e çokollata me paratë e AKSHI-t! Si funksiononte skema e pastrimit të parave

11:21 POLITIKË

Përjashtimi i deputetëve të PD nga Kuvendi, Noka: Masat ndëshkuese u dhanë me urdhër të Ergys Agasit dhe Suel Çelës

11:19 AKTUALITET

Kërkojnë ndërtimin e një terminali, shoferët e autobusëve në Vlorë tentojnë të futen me forcë në ambientet e Këshillit Bashkiak

11:07 POLITIKË

Sekretariati i Etikës ndërshkoi vetëm 6 demokratë, Manja tregon pse u tërhoqën nga vendimi: Kanë kryer veprime të dhunshme

10:54 POLITIKË

Mblidhet Sekretariati i Etikës, deputetët e opozitës me pankarta dhe mesazhe ironizuese për dosjen e AKSHI-t

10:51 POLITIKË

Mbledhja e Sekretariatit të Etikës, PS heq dorë nga ndëshkimi për 19 deputetë, masa vetëm për 10 ligjvënës

10:49 AKTUALITET

U skualifikua për të marrë drejtimin e BKH-së, Elton Kërluku emërohet shef i Hetimit Financiar pranë SPAK

10:27 POLITIKË

EMRI/ Përplasja me molotovë drejt Kryeministrisë, mes të proceduarve edhe një zyrtar i Partisë Demokratike

10:24 POLITIKË

“Rrezikoni përjashtimin nga Traktati për energjinë”, BE ultimatum qeverisë shqiptare: Korrigjoni shkeljet deri më 1 korrik 2026!

10:19 AKTUALITET

Goditet sërish aktiviteti i paligjshëm i basteve, tre të proceduar në Korçë

10:05 POLITIKË

Olta Xhaçka paraqitet në Prokurorinë e Posaçme

09:52 POLITIKË

Tensionet në Kuvend/ PS kërkoi përjashtimin e 29 deputetëve të PD-së, mblidhet sot Sekretariati i Etikës

Dua të lexoj më shumë lajme