Lajme flash
Rama mesazh Kombëtares dhe tifozëve para ndeshjes me Spanjën: Nuk kemi asgjë për të humbur
24 Qershor 2024, 11:33 / POLITIKË
Vetëm disa orë përpara ndeshjes finale me Spanjën, e vlefshme për kualifikimin nga grupet në Euro 2024, kryeministri Edi Rama ka një mesazh për djemtë e Kombëtares, por edhe tifozët kuqezi.
Përmes një postimi në rrjetet sociale, kreu i qeverisë, vlerëson performancën e kuqezinjve në grupin e vështirë të Euro 2024, dhe shton se ndonëse misioni për të kaluar më tej është i pamundur në letër, djemtë do të japin maksimumin pasi nuk kanë asgjë për të humbur.
“Askush nuk do ta besonte me mendje, me zemër tjetër punë, që në ndeshjen e tretë të grupit në Euro 2024, Shqipëria do të ishte ende në lojë e që ndërkohë do të ishte e treta, jo e fundit në atë që është quajtur botërisht si “grupi i vdekjes”.
Eksperienca shumë më e madhe e rivalëve në dy ndeshjet e para bëri të sajën kundër nesh, se përndryshe pozicioni ynë sot mund të kishte qenë edhe më i favorshëm. Po ky është futbolli dhe çdo pishman i sotëm është eksperiencë për të nesërmen.
Sot përballemi me skuadrën më të frikshme të grupit në një mision që në letër është 100% i pamundur.
Por topi është i rrumbullakët dhe në darkë të 12 lojtarët kuqezinj, ata në fushë dhe lojtari ynë i 12-të në shkallët e stadiumit, një ndër më fantastikët e këtij Europiani, nuk kanë absolutisht asgjë për të humbur, po vetëm duhet të luajnë e ta shijojnë deri në fund këtë moment magjik që kanë krijuar vetë”, shkruan Rama.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128