Lajme flash
EMRAT/ Vodhën portofolat dhe celularin e tre qytetarëve, arrestohen 2 fierakët me precedentë!
27 Prill 2026, 15:13 / AKTUALITET
Iu vodhën portofolat dhe celularin, 3 shtetasve, arrestohen në flagrancë 2 persona të dyshuar, me precedent penal në fushën e plaçkitjeve.
Policia e Sarandës ka finalizuar sot (27 prill) operacionin e koduar “Pick pocket”, duke zbardhur tre rastet e vjedhjeve.
Të arrestuarit janë Artur Plaku dhe Erjon Sulohoxhaj, të dy banues në Fier.
Njoftimi i Policisë së Sarandës:
“Shërbimet e Komisariatit të Policisë Sarandë, në vijim të punës për parandalimin dhe zbardhjen e rasteve të vjedhjes, organizuan dhe finalizuan operacionin e koduar “Pick pocket”. Si rezultat, u bë i mundur identifikimi dhe arrestimi i dy shtetasve të dyshuar për vjedhje:
-A. P., 58 vjeç dhe E. S., 45 vjeç, të dy banues në Fier.
Këta shtetas janë kapur dhe arrestuar në flagrancë pasi dyshohet se më datë 25.04.2026, i kanë vjedhur celularin, shtetasit S. P., banues në Sarandë.
Gjithashtu, nga hetimet dyshohet se këta shtetas iu kanë vjedhur portofolat ku mbanin shuma parash, 2 shtetasve, në datat 19.04.2026 dhe 28.01.2026, në lagjet nr. 3 dhe nr. 4, Sarandë.
Vijojnë hetimet për zbardhjen e vjedhjeve të tjera që mund të kenë kryer këta shtetas.
Materialet procedurale iu referuan Prokurorisë, për veprime të mëtejshme, për veprën penale “Vjedhja”, kryer në bashkëpunim”.
Po ndodh...
Berisha dhe vogëlsia e një kryetari, përballë modelit Abdixhiku
Nga Bato Kosova
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128