Goditen dy raste kontrabande në Rinas/ Sekuestrohen mijëra euro dhe mallra, në pranga dy persona

11 Dhjetor 2023, 13:06 / AKTUALITET ALFA PRESS

Goditen dy raste kontrabande në Rinas/ Sekuestrohen mijëra euro dhe
Policia ka goditur dy raste të kontrabandës së mallrave dhe një rast të mosdeklarimit të parave. 

Lidhur me rastin e kontrabandës u vunë në pranga dy gra dhe u proceduan penalisht dy të tjera. 

Ndërkohë, për rastin e mosdeklarimit të parave është proceduar penalisht një shtetas gjerman. Policia ka sekuestruar 30 mijë euro dhe veshje të markave të ndryshme që arrinin një vlerë të konsiderueshme.

NJOFTIMI I POLICISË:

Angazhim maksimal i shërbimeve të Policisë Kufitare, për të menaxhuar fluksin në hyrje/dalje, si dhe për të parandaluar dhe për të goditur krimet kufitare.

Si rezultat i kontrolleve të shtuara janë goditur 2 raste të kontrabandës së mallrave dhe 1 rast i mosdeklarimit të të hollave.

-Për 2 rastet e kontrabandës janë arrestuar në flagrancë 2 shtetase dhe janë proceduar në gjendje të lirë 2 të tjera. Sekuestrohen veshje të markave të ndryshme, me vlerë të konsiderueshme.

-Për rastin e mosdeklarimit të të hollave është proceduar penalisht një shtetas gjerman. Sekuestrohet shuma 30 000 euro që nuk e deklaroi në dalje të RSh-së.

Si rezultat i angazhimit maksimal të shërbimeve të Policisë Kufitare Rinas, në bashkëpunim me autoritetet doganore, për parandalimin dhe goditjen e krimeve kufitare, krahas punës për ofrimin e shërbimit cilësor për qytetarët në hyrje/dalje, janë goditur 2 raste të kontrabandës së mallrave dhe 1 rast i mosdeklarimit të të hollave. Për këto raste:

– është arrestuar në flagrancë shtetasja E. K., 26 vjeçe dhe ka nisur procedimi në gjendje të lirë për shtetasen H. K., 24 vjeçe, të dyja banuese në Tiranë, pasi në hyrje të RSh-së, në valixhet e tyre, shërbimet e Policisë kanë gjetur veshje për femra, të markave të ndryshme, që nuk ishin deklaruar në doganë, siç përcaktohet me ligj;

– është arrestuar në flagrancë shtetasja V. M., 61 vjeçe dhe ka nisur procedimi në gjendje të lirë për shtetasen M. B., 52 vjeçe, të dyja banuese në Tiranë, pasi në hyrje të RSh-së, në valixhet e tyre, shërbimet e Policisë kanë gjetur veshje për femra, të markave të ndryshme, që nuk i kishin deklaruar në doganë, siç përcaktohet me ligj;

– janë referuar materialet në Prokurori ku ka nisur procedimi në gjendje të lirë për shtetasin gjerman N. Z., 44 vjeç, pasi në dalje në RSh-së, gjatë kontrollit fizik dhe kontrollit në çantë, shërbimet e Policisë i kanë gjetur 30 000 euro që nuk i kishte deklaruar në doganë. Shuma e parave u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

ide