English
Luaj me Fjalëkryq
Lajme flash

Një pjesëtar më tepër, familjen nga Peqini e “zë halli” me zyrat e gjendjes civile

4 Prill 2025, 23:29 / AKTUALITET ALFA PRESS

Një pjesëtar më tepër, familjen nga Peqini e “zë

Rastet e gabimeve në zyrat e gjendjes civile janë të shumta dhe një ndër to u trajtua edhe në emisionin “Piranjat”.

Oltjana Beqiraj, një grua nga Peqini, kërkonte që babai i saj të merrte pronësinë e tokave nga gjyshi i ndjerë. Përpara se të niste ky proces, Bexheti, babai i Oltjanës, duhej të merrte më parë firmat nga katër pjesëtarët e tjerë të familjes, Talibja, Fatbardha, Tafili dhe Lytfija. Por për ta bërë këtë gjë, më parë duhej të merrnin një certfikatë nga gjendja civile, ku rezultoi se Oltjana kishte një hallë tepër me emrin Habibe, të cilën nuk e kishte njohur kurrë.

“Kur vajtëm te noteri na kërkoi certifikatën e viteve 1950-1974, për të vazhduar procedurat e pronësisë, dmth të kalonim pronat nga gjyshi te babi. Kur morëm certifikatën e vitit 1950-1974 pamë emrin e Habibes. Në atë moment u habitëm të gjithë, jo unë, por edhe pjesëtarë të tjerë të familjes, halla, xhaxhai dhe babi. Ky person ishte i panjohur për ne”, u shpreh Oltjana.

Për ta zbuluar se kush ishte Habibja, “Piranjat” së bashku me Oltjanën ju drejtuan gjendjes civile në Peqin. Punonjësja e gjendjes civile, Thëllëza Sinani, hapi regjistrat e vjetër dhe aty u zbulua se në fakt ky ishte një gabim i bërë që në vitet ’50. Habibja rezultonte e regjistruar me aktin e lindjes së Talibes dhe emri i saj ishte i shkruar vetëm në një regjistër të gjendjes civile, sepse në tjetrin nuk figuronte.

Eda Shpuza, punonjëse pranë Drejtorisë së Përgjithshme të Gjendjes Civile, tha se zgjidhja e vetme për këto situata mbetet gjykata, sepse ligji për arkivën nuk lejon që të hiqen emrat nga regjistrat e vjetër./Piranja

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128